Հայաստանի երիտասարդական կառավարությունը դեմ է Սահմանադրության բարեփոխմանը:  Այդ թեմայով այսօր  տեղի ունեցած  քննարկմանը մասնակից տասնյակից ավելի հասարակական կազմակերպությունների ներկայացուցիչներ համակարծիք են եղել: Երիտասարդ նախարարների, հասարակական կազմակերպությունների և տարբեր միավորումների ներկայացուցիչների կարծիքով կան երկրի առաջ ծառացած ավելի կարևոր խնդիրներ, որոնք հրատապ լուծման անհրաժեշտություն են զգում:

Երեկ  տեղի է ունեցել "Բարգավաճ Հայաստան" կուսակցության քաղաքական խորհրդի նիստը, որը նախագահել է ԲՀԿ առաջնորդ Գագիկ Ծառուկյանը: Օրակարգի գլխավոր հարցը եղել է ձևավորված քաղաքական նոր իրավիճակում  կուսակցության ուղենիշային մոտեցումներն ու առաջիկա անելիքները: Նիստի ընթացքում քննարկվել է նաև կառավարության ծրագրի վերաբերյալ ԲՀԿ-ի դիրքորոշման հարցը: Գագիկ Ծառուկյանը տեղեկացրել է, որ պատրաստվում է հանդես գալ հարցազրույցով ու ներկայացնել կուսակցության մոտեցումները ստեղծված իրավիճակի վերաբերյալ: Մինչև հարցազրույցը, սակայն, Գագիկ Ծառուկյանը ցանկություն է հայտնել լսելու իր քաղաքական թիմի ներկայացուցիչների տեսակետները:

Երեկ  տեղի է ունեցել "Բարգավաճ Հայաստան" կուսակցության քաղաքական խորհրդի նիստը, որը նախագահել է ԲՀԿ առաջնորդ Գագիկ Ծառուկյանը: Օրակարգի գլխավոր հարցը եղել է ձևավորված քաղաքական նոր իրավիճակում  կուսակցության ուղենիշային մոտեցումներն ու առաջիկա անելիքները: Նիստի ընթացքում քննարկվել է նաև կառավարության ծրագրի վերաբերյալ ԲՀԿ-ի դիրքորոշման հարցը: Գագիկ Ծառուկյանը տեղեկացրել է, որ պատրաստվում է հանդես գալ հարցազրույցով ու ներկայացնել կուսակցության մոտեցումները ստեղծված իրավիճակի վերաբերյալ: Մինչև հարցազրույցը, սակայն, Գագիկ Ծառուկյանը ցանկություն է հայտնել լսելու իր քաղաքական թիմի ներկայացուցիչների տեսակետները:

Հայաստանում ամերիկյան մշակութային բազմազանությունը ներկայացնելու նպատակով ԱՄՆ դեսպանությունը Մեղրիում, Կապանում և Եղեգնաձորում կազմակերպում է քանթրի երաժշտության համերգներ: Սյունիք այցելած ԱՄՆ դեսպանը եղել է նաև Սիսիանի Ույծ գյուղում, մասնակցել Խաղաղության կորպուսի կամավորների կազմակերպած "Համայնքի օր" միջոցառմանը: Դիտել է գյուղի դպրոցականների եւ խաղաղություն կորպուսի կամավորների ֆուտբոլային խաղը:

Երևանի քաղաքապետարանի գլխավոր ճարտարապետը գրություն է ներկայացրել քաղաքապետ Տարոն Մարգարյանին` միջնորդելով, որ  խորհրդային ականավոր պետական ու քաղաքական գործիչ Անաստաս Միկոյանի հուշարձանը տեղադրվի Մոսկովյան պուրակում: Երևանի ավագանին կողմ է քվեարկել առաջարկին: Որոշումը հասարակության մեջ տարակարծության առիթ է դարձել:

"Մեկ տարածաշրջան, մեկ առողջություն":  Կարգախոսը միավորել է հայ և վրացի գյուղատնտեսներին, որոնք  Հայաստանում մասնակցում են "Կենդանիների առողջության կառավարումը Հայաստանի և Վրաստանի միջսահմանային տարածքներում" անվանումը կրող գիտաժողովին: 

Ուկրաինան առաջիկա ամիսներին ոչ միայն չի կայունանա, այլև նախագահի ընտրությունից հետո երկիրը կընկնի նոր քաոսի մեջ, ինչը վերջնականապես կմասնատի և կքայքայի նախկին Խորհրդային Միության ամենակայուն և ժամանակակից Եվրոպայի ու Ռուսաստանի կամուրջ դարձած պետությունը: Կովկաս ինստիտուտի տնօրեն, քաղաքագետ Ալեքսանդր Իսկանդարյանն այսօր հայտարարել է, որ աշխարհի վերաբաժանումը  դառնում է բազմաթիվ ժողովուրդների ողբերգության պատճառ, և ուկրաինացիները դարձան ամենաշատ տուժածներից մեկը: Մեղավորը, քաղաքագետի համոզմամբ, ճիշտ ժամանակին չկողմնորոշվելն էր: 

Նախկին կառավարության բարեփոխմանը դեմ են տաքսու վարորդները: Նույնականացման քարտը, որը փոխարինում է դեղին համարանիշին, մինչև այսօր վարորդների ձեռքին չէ: Նրանք չեն կարողանում տարեկան հաշվետվութուն ներկայացնել և տուգանվում են  20 հազար դրամով: Նոր վարչապետից տաքսիստները պահանջել են ևս 6 ամսով դադարեցնել օրենքի կիրառումը, որպեսզի կարողանան ձեռք բերել նույնականացման քարտ և ներկայացնեն հաշվետվություն:

Արաբկիր և Քանաքեռ - Զեյթուն վարչական շրջանների ընդհանուր իրավասության դատարանում դատավոր Սիմիզար Հովսեփյանի նախագահությամբ տեղի է ունեցել Երևանի մետրոպոլիտենի նախկին աշխատակիցների ներկայացրած հայցադիմումի քննությունը: Սևակ Հովհաննիսյանը, Անդրանիկ Գևորգյանն ու Գագիկ Գալստյանն իրենց ազատումը պայմանավորում են պարտադիր կուտակայինի դեմ կազմակերպված բողոքի ակցիաներին մասնակցությամբ: