Հայաստանում Ֆրանսիայի արտակարգ և լիազոր դեսպան Անրի Ռենոն այսօր խոսել է Ֆրանսիայի նախագահ Ֆրանսուա Օլանդի Հայաստան կատարած այցելության մասին: Դասպան Անրի Ռենոն նշել է, որ Ֆրանսիայի նախագահի  այցելությամբ դրվել է հայ և ֆրանսացի ժողովուրդների երկարամյա բարեկամությանը հիմքը:

Նախագահի նստավայրում այսօր տեղի է ունեցել ՀՀ նախագահի՝ 2013 թվականի մրցանակների հանձնման արարողությունը: Շնորհավորելով մրցանակի արժանացածներին՝  Սերժ Սարգսյանը նշել է, որ Պողոսյան ընտանիքի հետ տարիներ շարունակ փորձ է արվում վեր հանել Հյաստանի գիտական, կրթական, մշակութային կյանքի լավագույն ձեռքբերումները: 

Ցանկանում ենք սերունդներին փոխանցել Արցախի  պատերազմում ձեռք բերած մեր փորձը և մասնագիտական հմտությունը. այսօր ասել է հետախույզ, հատուկ նշանակության խմբի հիմնադիր անդամ Վովա Վարդանովը։ Նա մարտական ընկերների հետ  բացել է "Ողջ մնալու արվեստը" ակումբը, որտեղ 18 տարին լրացած ցանկացած անձ կարող է սովորել դժվար վիճակներում ճիշտ կողմնորոշվելու, անելանելի դրությունից դուրս գալու նրբությունները։ 

Այսօր Ազգային ժողովի մշտական հանձնաժողովները սկսել են  քննարկել  2013թ. պետական բյուջեի կատարման  տարեկան հաշվետվությունը, որին ներկա է եղել նաև վարչապետ Հովիկ Աբրահամյանը: Հիմնական մակրոտնտեսական ցուցանիշները ներկայացրել է ֆինանսների նախարարի տեղակալ,  գլխավոր գանձապետ Ատոմ Ջանջուղազյանը: Ընդամենը 3.5 տոկոս տնտեսական աճ, շինարարության անկում, գնաճ, մոտ 4 միլիարդ դոլար արտաքին պարտք և վարկային մութ պատմություն: Ի՞նչ թողեց իր հետևից Տիգրան Սարգսյանը: