Տեղի է ունեցել "Բարգավաճ Հայաստան" կուսակցության քաղաքական խորհրդի նիստը, որին մասնակցել են քաղաքական խորհրդի անդամներն ու ԲՀԿ խորհրդարանական խմբակցության պատգամավորները: Նիստը նախագահել է ԲՀԿ առաջնորդ Գագիկ Ծառուկյանը: Կուսակցության ղեկավարը տեղեկացրել է, որ պատրաստվում է հանդես գալ հարցազրույցով ու ներկայացնել կուսակցության դիրքորոշումը ձևավորված նոր քաղաքական իրավիճակի վերաբերյալ: Մինչև հարցազրույցը, սակայն, Գագիկ Ծառուկյանը ցանկություն է հայտնել լսելու իր քաղաքական թիմի ներկայացուցիչների տեսակետները:

Երկարատև աշխատանքից հետո "Թևանիկ" ֆիլմը ներկայացվում է հայ հանդիսատեսին: Ղարաբաղի պատերազմի մասին պատմող ֆիլմը ռեժիսոր Ջիվան Ավետիսյանի երկրորդ աշխատանքն է: Ֆիլմի ստեղծման մեջ իր դերն ունի նաև լիտվական կինոարտադրող ընկերություններից մեկը: Մոտ ապագայում Թևանիկը դուրս կգա Հայաստանի սահմաններից:

2011 թվականից դպրոցներում Շախմատը դարձավ պարտադիր դասավանդման առարկա: 5 տարի տեսական և 3 տարի գործնական փուլ հաղթահարած առարկան այսօր տվել է նկատելի  արդյունք: Ուսումնասիրությունը ցույց է տվել, որ շախմատ անցած 2-ից 4-րդ դասարանի աշակերտների հաշվարկային, պատկերավոր և կամային մտածողությունը զարգացած է շախմատ չանցած 5-րդ դասարանցիների համեմատ:

Մայիսի 5-ը հարկադիր կատարողի օրն է: Մասնագիտական տոնի առիթով Արդարադատության նախարարության դատական ակտերի հարկադիր կատարումն ապահովող ծառայությունում այսօր կայացել է առաջին անգամ հարկադիր կատարողի պաշտոնում նշանակված անձանց երդման և ծառայողական վկայականների հանձնման հանդիսավոր արարողություն:

Վարչապետ Հովիկ Աբրահամյանը  գյուղատնտեսության նախարար Սերգո Կարապետյանի ուղեկցությամբ երեկ այցելել է Արարատի մարզի Վերին Արտաշատ և Նորաշեն գյուղեր՝ ծանոթանալու գյուղացիներին հուզող խնդիրներին:

Վարչապետ Հովիկ Աբրահամյանն այսօր ներկայացրել է  Կառավարության վերջին նորանշանակ նախարարին՝  Սպորտի և երիտասարդության հարցերի նախարար Գաբրիել Ղազարյանին:  Վարչապետը շնորհակալություն է հայտնել նախկին նախարար Յուրի Վարդանյանին համատեղ աշխատանքի համար, իսկ նորանշանակ նախարարին Հովիկ Աբրահամյանը մաղթել է հաջողություն:

15 ոչխար խուզելու, 7 գառ երեխաների խաղի համար, ձևավորված տաղավարներում աշխարհի ամենաերկար ճոպանուղու հարակից 7 գյուղերի բնակիչները ներկայացնում են իրենց համայնքին բնորոշ ուտելիքները, խմիչքները: Առաջին անգամ անցկացվող  "Ոչխարի խուզ" փառատոնի կազմակերպիչներն են "Տաթեւի վերածնունդ"  և "Հայրենիքի զարգացման նախաձեռնություն" հիմնադրամները: Փառատոնի  նպատակն է  զարգացնել ներքին տուրիզմը: Ոչխարների խուզը նախատեսված էր 3 փուլով: Երկրորդ փուլից հետո սակայն եղանակը բարեհաճ չի գտնվել, ուժեղ քամու և անձրեւի պատճառով մարդիկ ստիպված  լքել են տարածքը: 

Հովիկ Աբրահամյանը Արդարադատության նախարարության աշխատակազմին է ներկայացրել նոր ղեկավարին: Հրայր Թովմասյանի փոխարեն նախարարի պաշտոնին է նշանակվել Հովհաննես Մանուկյանը՝  նախկինում Հայաստանի դեսպանը Վրաստանում: Հրայր Թովմասյանը նշել է, որ Կառավարությունից հեռանալու որոշումն իրենն է, և շնորհակալ է, որ նախագահը հարգել է այդ որոշումը: Արդեն նախկին նախարարի հավաստմամբ,  ունի աշխատանքի մի քանի հրավեր, բայց դեռ չի ուզում հրապարակել:

Աշխատանքային այցով Վայոց Ձորի մարզ է այցելել ԿԳՆ Արմեն Աշոտյանը: Եղեգնաձորում ծանոթացել է նորաբաց նախակրթարանի պայմաններին, ապա մասնակցել տնօրենների խորհրդակցությանը, իսկ Վայքում ծանոթացել նորոգված դպրոցի պայմաններին և ժամանակակից տեխնոլոգիաներով հագեցած լսարաններին: