Արցախն այսօր տոնական հանդերձանքով էր: Եռատոնին նվիրված միջոցառումները սկսվել են վաղ առավոտից, Ստեփանակերտում ու Շուշիում: Արցախցիների հետ եռատոնը նշել են նաև Հայաստանի նախագահ Սերժ Սարգսյանն ու Աժ նախագահ Գալուստ Սահակյանը: 

Հաղթանակի զբոսայգի այցելած Հայաստանի իշխանավորները նաև անդրադարձել են Մինսկի խմբի ամերիկացի համախագահ Ջեյս Ուորլիկի վերջին աղմկահարույց հայտարարությանը: Պաշտպանության նախարար Սեյրան Օհանյանը կարծում է, որ Ուորլիկը նորություն չի ասել, և մեր խնդիրն է շարունակել պայքարն ու ամեն ինչ անել, որ մեր նպատակներն իրագործվեն, իսկ մեր նպատակների մեջ, Սեյրան Օհանյանի խոսքով՝ հողերի վերադարձի հարց չկա: Վարչապետ Հովիկ Աբրահամյանն ասել է, որ դեմ է Ուորլիկի հնչեցրած մոտեցումներին: Վարչապետը, խոսելով կառավարության ծրագրի մասին ասել է, որ իր նպատակն է լինելու, որ այն ինչ գրված է ծրագրում, դառնա իրականություն: 

Մոսկվայի Կարմիր հրապարակում ուղիղ ժամը 10-ին մեկնարկել է Մեծ հայրենական պատերազմում  հաղթանակի 69-ամյակին նվիրված ռազմական շքերթը: Շքերթն ընդունել է ՌԴ պաշտպանության նախարար, զինված ուժերի հրամանատար Սերգեյ Շոյգուն: Շքերթի հրամանատարն է  Ցամաքային զորքերի գլխավոր հրամանատար,  գեներալ-գնդապետ Օլեգ Սալյուկովը: 

Այսօր Հայրենական Մեծ պատերազմում տարած հաղթանակի առիթով առաջին անգամ մեծ զորահանդես է անցկացվել Գյումրիում: Քաղաքում թեւածել է հաղթական շունչն ու մարտական ոգին: Վարդանանց հրապարակում հայկական եւ ռուսական զորքերի մասնակցությամբ կատարվել է զինտեխնիկայի ցուցադրություն: Տոնական շքերթին ներկա են գտնվել  հայ եւ ռուս բարձրաստիճան զինվորականներ, քաղաքական գործիչներ, մարզային եւ քաղաքային իշխանությունների ներկայացուցիչներ, վետերաններ: 

Աշխատանքային այցով Լեռնային Ղարաբաղի Հանրապետություն մեկնած Նախագահ Սերժ Սարգսյանը մասնակցել է Հաղթանակի տոնի 69-րդ, ԼՂՀ պաշտպանության բանակի և Շուշիի ազատագրման 22-րդ տարեդարձին նվիրված միջոցառումներին: Հայկական երկու հանրապետությունների նախագահները ծաղկեպսակներ են դրել զոհվածների հիշատակը հավերժացնող հուշաքարին, սպարապետ Վազգեն Սարգսյանի հուշարձանին, Արցախի ազատագրման համար պայքարում զոհվածների գերեզմաններին: Շուշիի Սուրբ Ղազանչեցոց եկեղեցում մոմավառությունից հետո Սերժ Սարգսյանը և Բակո Սահակյանը մասնակցել են հաղթական քայլերթին և շնորհավորել Հայրենական Մեծ պատերազմի արցախցի վետերաններին և ազատամարտիկներին: ԼՂՀ նախագահ Բակո Բահակյանը ԼՂՀ-ին մատուցած բացառիկ ծառայության համար ՀՀ նախագահ Սերժ Սարգսյանին պարգեւատրել է Գրիգոր Լուսավորիչ շքանշանով: 

Հաղթանակի և խաղաղության տոնի  կապակցությամբ  շնորհավորական ուղերձ է հղել Բարգավաճ Հայաստան կուսակցության նախագահ Գագիկ Ծառուկյանը:

Հաղթանակի և խաղաղության տոնի  կապակցությամբ  շնորհավորական ուղերձ է հղել Բարգավաճ Հայաստան կուսակցության նախագահ Գագիկ Ծառուկյանը:

Հաղթանակի տոնի, Լեռնային Ղարաբաղի Հանրապետության պաշտպանության բանակի հիմնադրման  և Շուշիի ազատագրման օրվա կապակցությամբ այսօր Հաղթանակի զբոսայգի են այցելել նաև  ՙԲարգավաճ Հայաստան՚ կուսակցության քաղաքական խորհրդի ներկայացուցիչները, ԲՀԿ խորհրդարանական խմբակցության պատգամավորներն ու Երիտասարդների միության բազմաթիվ ներկայացուցիչները: Կուսակցության անդամները ծաղկեպսակ ու ծաղիկներ են դրել Անհայտ զինվորի հուշարձանին , մեկ րոպե լռությամբ հարգանքի տուրք մատուցել Հայրենական Մեծ պատերազմում և Շուշիի ազատագրման գոյամարտում զոհված մարտիկների հիշատակին: 

Մեծ հաղթանակի համար իրենց կյանքը տվել են Խորհրդային Միության մոտ 20 միլիոն քաղաքացիներ: Մանրամասներ Հայրենական պատերազմին հայերի մասնակցության ու մեր հերոսների մասին: