Իրատեսական, խստապահանջ, ականջալուր՝ այս երեք շեշտադրումն է ընկած Հայաստանի կառավարության առաջիկա երեք տարվա համար սահմանած ծրագրում, որն այսօր Ազգային Ժողովում պատգամավորների դատին է ներկայացրել վարչապետ Հովիկ Աբրահամյանը: Կառավարության ուշադրության կենտրոնում լինելու է քաղաքացին, գործադիրը ապահովելու է հավասար պայմաններ բոլորի համար, զոռբայության համար ճանապարհները փակ են լինելու, իսկ կուտակային կենսաթոշակը լինելու է պարտադիր, բայց ոչ պարտադրված:

Վարդան Պետրոսյանի ֆրանսիացի փաստաբանը նրան կալանքից ազատելու միջնորդությունն է ներկայացրել: Այդպիսի միջնորդություն նախորդ դատական նիստերի ընթացքում ներկայացրել էր դերասանի մյուս պաշտպանը՝ Նիկոլայ Բաղդասարյանը: Ինչպես նախորդ, այդպես էլ այս դեպքում, դատավորը միջնորդությունը մերժել է: 

Ծաղկաձորում մեկնարկել է ԱՊՀ անդամ պետությունների սպառողների իրավունքների պաշտպանության  խորհրդատվական խորհրդի 6-րդ նիստը: ԱՊՀ անդամ երկրների ոլորտի պատասխանատուները քննարկել են նախորդ նիստի որոշումների  ու ձեռք բերված պայմանավորվածության կատարման ընթացքը, անդրադարձել են իրենց  երկրներում սպառողների իրավունքների պաշտպանության բնագավառում իրականացվող աշխատանքին: Նիստին մասնակցել են էկոնոմիկայի նախարարը, ՀԿ ներկայացուցիչներ ու ոլորտի պատասխանատուներ: 

Սահմանադրության բարեփոխման մասնագիտական հանձնաժողովը այսօր հանրային քննարկում է կազմակերպել փոփոխությունների նախնական հայեցակարգի թեմայով։ Հանձնաժողովի անդամները կարծում են, որ Սահմանադրությունն անհրաժեշտ է փոփոխել, իսկ մեր քաղաքացիների մեծամասնությունը ճիշտ հակառակ կածիքն ունեն։  

2013-ի սեպտեմբերի 3-ին հայտարարելով Մաքսային Միություն մտնելու որոշման մասին և դա պատճառաբանելով Արցախի անվտանգության երաշխավորմամբ՝ Հայաստանը ճնշման նոր լծակի հնարավորություն տվեց Արևմուտքին: Դիվանագետ Արա Պապյանի խոսքով, այդ լծակը նույնպես Արցախի խաղաքարտն է. եթե ռուսները մեզ վրա ազդում են հայ-ադրբեջանական հակամարտությամբ, ինչո՞ւ եվրոպացիները նույնկերպ չպետք է վարվեն: Արա Պապյանը անդրադարձել է ԵԱՀԿ Մինսկի խմբի համանախագահների վերջին հայտարարությանը՝ որպես Հայաստանի ձախողված դիվանագիտության հետևանք: 

Կարեն Դեմիրճյան մարզահամերգային համալիրը հանվել է աճուրդի՝ 19մլրդ 350մլն 100 հազար  դրամ նախնական արժեքով, տեղեկացրել է Դատական ակտերի հարկադիր կատարման ծառայությունը։ Ծիծեռնակաբերդի զբոսայգում գտնվող մարզահամալիրի յոթ հարկանի շինությունը, օժանդակ շինություններով, ջրավազաններով, հասարակական կառուցապատման հողամասով, հանդիսանում է գրավի առարկա, հայտարարել է ԴԱՀԿ-ն։

1992 թ. մայիսի 16-17-ը ղարաբաղյան ուժերը վերահսկողության տակ առան Լաչինը. այսպես ձևավորվեց մարդասիրական միջանցք` ցամաքային ճանապարհ Հայաստանի և Արցախի միջև: Լաչինի գրավման մասնակիցները մտահոգված են, որ այդ իրադարձությունը պատշաճ չի ներկայացվում: 

Պապն ու 5 որբերը: Գյումրեցի 80- ամյա տղամարդը արդեն երկու ամիս մենակ է մեծացնում անչափահաս  թոռներին: Տեսանյութը պատմում է սոցիալապես անապահով ընտանիքի գոյամարտի մասին:

"Բարգավաճ Հայաստան" կուսակցության նախագահ Գագիկ Ծառուկյանը հանդիպել է սիրված երգիչ, երգահան Ռուբեն Հախվերդյանի հետ: Ծավալված ջերմ ու անկաշկանդ զրույցի ընթացքում ԲՀԿ նախագահը նշել է, որ մշտապես հետևում է արվեստագետի գործունեությանն ու բարձր է գնահատում նրա վաստակը: Գագիկ Ծառուկյանը ցանկություն է հայտնել աջակցության իր մասնաբաժինն ունենալ սիրված երգահանի հին ու նոր երգերի ձայնագրության գործում: