ԵՄ-ն հետաքրքրված է Հայաստանով. Եվրոպական միության ընդլայնման 10-րդ տարեդարձին նվիրված քննարկման ժամանակ այդ հայտարարությունն է արել Հայաստանում ԵՄ պատվիրակության ղեկավարը: Քննարկմանը մասնակցել են Լեհաստանի, Ֆրանսիայի, Լիտվայի, Չեխիայի դեսպանները: Նրանք ներկայացրել են իրենց անդամակցության փորձը ԵՄ-ին և այն փոփոխությունները, որոնք արձանագրվել են իրենց երկրներում անդամակցությունից հետո:

Անցումային Կառավարություն՝ անցումային ծրագրով: Հայաստանի գործատուների միության բնորոշումն է՝ այս օրերին խորհրդարանում բուռն քննարկում առաջացրած փաստաթղթին: 

Խորհրդարանը շարունակում է քննարկել Հայաստանի կառավարության գործունեության եռամյա ծրագիրը: Վարչապետ Հովիկ Աբրահամյանն այսօր պատասխանել է երեկ հերթագրված պատգամավորների հարցերին, սկսվել է նաև Կառավարության ծրագրի վերաբերյալ խորհրդարանականների ելույթների փուլը:

"Մեր նպատակը պետությանը պիտանի քաղաքացի դաստիարակելն է, մեր փորձով բանակին օգտակար լինելը",- այսօր տեղի  ունեցած պատերազմի և զինված ուժերի վետերանների կոմիտեի 11-րդ համաժողովի ժամանակ ասել է կոմիտեի նախագահ Պետրոս Պետրոսյանը։ Ներկայացվել է նաև անցած երկու տարիների հաշվետվությունը։  

Հայաստանի 300.000 հեկտար մշակովի հողերից ընդամենը տասը տոկոսն է պաշտպանված կարկուտից: Ի՞նչ սկզբունքով են աշխատում հակակարկտային կայանները և որքա՞ն են դրանք արդյունավետ. Ներկայացրել է Արտակարգ իրավիճակների նախարարության Հակակարկտային ծառայության տնօրեն Արմեն Կարապետյանը:

Լենինականի ռուսական սահմանապահ ջոկատը 90 տարեկան է: Դժվարություններով ու  միաժամանակ հաջողություններով լի ուղի անցած սահմանապահները հիշել են նախկին տարիները: Տոնական միջոցառմանը ներկա են գտնվել բարձրաստիճան զինվորականներ, տարբեր կառույցների, մարզային ու քաղաքային իշխանության ներկայացուցիչներ, վետերաններ: Եղել են պարգևատրումներ, միջոցառումն ավարտվել է տոնական համերգով:

ԱԺ նիստի երրորդ հատվածում շարունակվել է Կառավարության ծրագրի քննարկումը: Օրենսդիրում նաև եղել է հայտարարությունների օր: Հերթագրված 18 պատգամավորների ուշադրության կենտրոնում կրկին Կառավարության ներկայացրած ծրագիրն է: