Բյուջեի կատարողականի քննարկումն այսօր շարունակվել է  Ազգային Ժողվի արտաքին հարաբերությունների և եվրաինտեգրման հանձնաժողովների նիստում: Արտաքին գործերի նախարար Էդվարդ Նալբանդյանը նիստին չի մասնակցել, քանի որ գտնվել է այդ պահին Աստանայում: 

Հայ Առաքելական եկեղեցին այսօր նշում է Համբարձման տոնը։ Երևանի Զորավոր Սուրբ Աստվածածին եկեղեցում մատուցվել է պատարագ, այնուհետև եկեղեցու բակում տեղի է ունեցել օրհնության կարգ, հոգևորականները հավատացյալների հետ մասնակցել են  ժողովրդական Ջանգյուլումի տոնակատարությանը։

"Եթե այսպես շարունակվի, շուտով կլինենք աշխարհի միակ երկիրը, որի քաղաքացիություն ունեցողների մեծ մասը կլինի երկրի ոչ թե ներսում, այլ դրսում", -  նշել է պատմաբան Գևորգ Յազըճյանը: Սփյուռքի նախարար Հրանուշ Հակոբյանը Կառավարությանն առաջարկել է ՀՀ քաղաքացիություն ստացած չորս անձի ազատել պարտադիր զինվորական ծառայությունից, որն այսօր հաստատել է Կառավարության նիստը:

Հունիսի 8-ից մայրաքաղաքում բացվելու են գյուղատնտեսական շուկաները: Առաջին շուկան տեղակայվելու է Կասյան փողոցում: Գյուղացիները կրկին հնարավորություն կունենան արտադրանքը վաճառել առանց միջնորդի: Գյուղատնտեսական շուկաները գործելու են մինչև դեկտեմբեր: 

Հայաստանը մինչև հուլիսի 1-ը ստորագրելու է Եվրասիական միությանը միանալու պայմանագիրը, եթե, իհարկե, համաձայնի Եվրասիական միության հիմնադիր անդամ Ղազախստանի նախագահ Նուրսուլթան Նազարբաևի առաջ քաշած պայմանին: Իսկ պայմանը հետևյալն է՝ միանալ Եվրասիական միությանը ՄԱԿ-ի կողմից ճանաչված սահմաններով, այսինքն՝ առանց Լեռնային Ղարաբաղի: Այս մասին այսօր Աստանայում հայտարարել է Ղազախստանի նախագահը  Եվրասիական բարձրագույն տնտեսական խորհրդի ընդլայնված նիստի ժամանակ: Ընդ որում, Նազարբաևը ասել է նաև, որ իրենք՝ հիմնադիր երկրների նախագահները, չեն ուզում նյարդայնացնել ադրբեջանցի իրենց գործընկերոջը: Ադրբեջանը, ի դեպ, որևէ կապ չունի Եվրասիական միության հետ և երբեք չի ակնարկել, որ կուզենար անդամակցել այս միությանը:

"Բարգավաճ Հայաստան" կուսակցության նախագահ Գագիկ Ծառուկյանն այսօր հյուրընկալվել է Հայաստանի Հանրապետությունում Իտալիայի արտակարգ և լիազոր դեսպան Ջովաննի Ռիչուլիի մոտ: Իտալական հանրապետությանը մատուցած ծառայությունների համար Գագիկ Ծառուկյանը Իտալիայի նախագահ Ջորջո Նապոլիտանոյի կողմից պարգևատրվել է երկրի բարձրագույն ու պատվավոր պարգևներից մեկով:

"Բարգավաճ Հայաստան" կուսակցության նախագահ Գագիկ Ծառուկյանն այսօր հյուրընկալվել է Հայաստանի Հանրապետությունում Իտալիայի արտակարգ և լիազոր դեսպան Ջովաննի Ռիչուլիի մոտ: Իտալական հանրապետությանը մատուցած ծառայությունների համար Գագիկ Ծառուկյանը Իտալիայի նախագահ Ջորջո Նապոլիտանոյի կողմից պարգևատրվել է երկրի բարձրագույն ու պատվավոր պարգևներից մեկով:

Խորհրդարանի մշտական հանձնաժողովները շարունակում են քննարկել 2013 թ. պետական բյուջեի կատարողականի հաշվետվությունը : Այսօր առավոտյան այդ նպատակով պատգամավորներին պարզաբանում տալու համար Ազգային Ժողովում էր Մարդու Իրավունքների պաշտպան Կարեն Անդրեասյանը: Հաշվետու տարում Օմբուդսմենի գրասենյակը թեև բյուջեն ամբողջությամբ չի կատարել, բայց Կարեն Անդրեասյանը դրանից միայն գոհ է՝ հաջողվել է փող տնտեսել:

Ուզո՞ւմ ես խաղաղություն, պատրաստվիր պատերազմին: Ամփոփվել է Կրթության և գիտության նախարարության նախաձեռնած շարադրության մրցույթը, որը նվիրված էր զինադադարի 20-ամյակին: Հաղթողներին այսօր պարգևատրել են: Նրանք երեք օրով այցելելու են Լեռնային Ղարաբաղ: