Այս գիշեր  Ղարաբաղի և Ադրբեջանի հակամարտ զորքերի շփման գծի հարավային ուղղությամբ հակառակորդը  ձեռնարկել է հերթական դիվերսիան: ՊԲ առաջապահ ստորաբաժանումները ժամանակին նկատել են  հակառակորդի հատուկ ջոկատայինների առաջխաղացումը, դիմել են պատասխան գործողության, պատճառել նշանակալից կորուստ և հետ շպրտել: Ցավոք, հայկական կողմից զոհվել է զինծառայող, եֆրեյտոր  Էրիկ  Գասպարյանը: Միջադեպին անդրադարձել է պաշտպանության նախարար Սեյրան Օհանյանը:

Հայաստանի Առաջին Հանրապետության կազմավորման առիթով Սարդարապատի հուշահամալիր է այցելել նախագահ Սերժ Սարգսյանը`  պաշտոնյաների ուղեկցությամբ:  Նրանք ծաղիկներ ու ծաղկեպսակներ են դրել Սարդարապատի ճակատամարտում զոհված հայ հերոսների հիշատակը հավերժացնող հուշարձանին: Սերժ Սարգսյանն այցելել է Սարդարապատի հուշահամալիրի Հայոց ազգագրության և ազատագրական պայքարի պատմության ազգային թանգարան, որտեղ տեղի է ունեցել Հանրապետության տոնի առիթով պարգևատրման արարողությունը:

Մայիսյան փառավոր հաղթանակներից մեկն էլ Բաշ-Ապարանի հերոսամարտն էր: 1918 թվականին ապարանցի քաջերը Դրոյի առաջնորդությամբ ջախջախեցին թուրքական զորքը, որն արշավում էր դեպի Երևան: Նիգ-Ապարան հայրենակցական միությունը այս  տարի նույնպես Ապարանում կազմակերպել է ավանդական դարձած տոնախմբությունը:  Ապարանցիներն այցելել են հերոսամարտի հուշակոթող, ծաղիկներ դրել հերոսների շիրիմներին, իսկ հետո սկսել է տոնական երգ ու պարը:

Հայ Առաքելական եկեղեցին տոնում է Համբարձումը։ Ժողովրդական գեղեցիկ ավանդույթներով ուղեկցվող տոնի նախօրյակին Արարատյան հայրապետական թեմի երիտասարդները ուխտագնացության են մեկնել Արայի լեռ։ Ի՞նչ խորհուրդ ունի Համբարձման տոնը և ի՞նչ կապ ունի Արա լեռան հետ: 

Արդարադատության նախարարն Արագածոտնի մարզի Կարբի գյուղում ծանոթացել է  նախարարության իրավաբանական ինստիտուտի շենքի նորոգման աշխատանքին: Այս տարի շահագործման են հանձնել ուսումնական կենտրոնի նկուղային և առաջին հարկերը:  Շենքն ամբողջությամբ շահագործման  կհանձնվի 2015թ-ի դեկտեմբերին:

Մայիսյան հերոսամարտերից մոտ երկու ամիս անց, ձևավորված էր ՀՀ կառավարությունը՝ վարչապետ Հովհաննես Քաջազնունու գլխավորությամբ: Հայաստանի առաջին հանրապետության կյանքը կարճ եղավ՝ ընդամենը 2 տարի: 

Մայիսի 28-ը սահմանամերձ Խնձորուտ գյուղի բնակիչ Արթուր Ալեքսանյանը յուրովին է տոնում: Նոր տան հիմքն է գցել Դատարկվող գյուղի բնակիչը  ցանկանում է օրինակ դառնալ  հարևանների և սահմանամերձ բոլոր գյուղերի բնակիչների համար: Կոչ է անում հարմարվել, հաղթահարել դժվարությունն ու հպարտ ապրել՝ սահմանից այն կողմ ապրողներին զգոն պահելու համար:  

Բարգավաճ Հայաստան կուսակցության նախագահ Գագիկ Ծառուկյանը շնորհավորական ուղերձ է հղել Հանրապետության տոնի առիթով, որում ասվում է:

Բարգավաճ Հայաստան կուսակցության նախագահ Գագիկ Ծառուկյանը շնորհավորական ուղերձ է հղել Հանրապետության տոնի առիթով, որում ասվում է:

Հայաստանի առաջին հանրապետության տոնը՝ լավագույն առիթ գնահատանքի արժանացնելու բոլոր այն մարդկանց, որոնց ավանդն անգնահատելի է հայոց պետականության կայացման և ամրապնդման պատասխանատու գործում: Մեր երկրի կարևորագույն տոներից մեկի՝ Մայիսի 28-ի կապակցությամբ անձամբ ԲՀԿ նախագահ Գագիկ Ծառուկյանի անունից շնորհավորագրերի ու դրամական խոշոր պարգևների են արժանացել հանրապետության տարբեր մարզերում բնակվող բոլոր այն կուսակցականները, ովքեր կուսակցության հիմնադրման առաջին իսկ օրվանից իրենց նվիրված աշխատանքով ու ամենօրյա սրտացավությամբ նպաստել են կուսակցության կայացմանն ու ամրապնդմանը: