«Կան դերակատարներ, որոնք փորձում են միջամտել ներլիբանանյան գործընթացներին». Ս Գրիգորյան// Իմպուլս վերլուծական 05.08.2020
Ոստիկանության մեքենան անցավ ակցիայի մասնակցի ոտքի վրայով. պայթյունավտանգ իրավիճակ Ամուլսարում
«Կառավարության կողմից կա հստակ մոտեցում երկխոսության չգնալու». Միքայել արքեպիսկոպոս Աջապահյան
Հանրակրթական դպրոցների առարկաների դասավանդման չափանիշներում նախաձեռնած փոփոխություններն արվել են առանց եկեղեցու հետ քննարկման: Մայր Աթոռի կրթական հարցերով ենթախմբի անդամների խոսքով՝ նաև այդ պատճառով է, որ «Հայոց եկեղեցու պատմություն»-ը այլ առարկաների մեջ ներառելու արդյունքում նյութի 70 տոկոսը դուրս է մնացել ծրագրից: Նրանք նշել են, որ մի շարք նկատառումներ ու առաջարկներ են ներկայացրել կառավարություն, սակայն պատասխան դեռ չեն ստացել: «Կառավարությունը եկեղեցու հետ երկխոսության չգնալու մոտեցում է որդեգրել՝ փորձելով նվազեցնել եկեղեցու նշանակությունը»,- ասել է Զաքարիա վարդապետ Բաղումյանը:
6 զոհ,100-ից ավելի վիրավոր. ի՞նչ վնասներ է կրել Լիբանանի «փոքրիկ Հայաստանը» պայթյունից
Բեյրութը ցնցած հզոր պայթյուններից տուժել են նաև լիբանանահայ համայնքի ներկայացուցիչները: Մեր երկրի արտգործնախարարությունը հայտնել է 6 զոհի և հարյուրից ավելի վիրավորների մասին: Հուժկու պայթյունից մեծ վնասներ է կրել հայկական Բուրջ Համուդ թաղամասը, տուժել են տները, խանութները, կրթական ու մշակութային հաստատությունները, հիվանդանոցը, Լիբանանում Հայաստանի դեսպանատունն ու Մեծի Տանն Կիլիկիո կաթողիկոսարանը: Պայթյուններից անմիջապես հետո հայկական թաղամաս է այցելել Արամ Առաջին կաթողիկոսը: «Էպիկենտրոն»-ին Բեյրութից մանրամասներ են հայտնել հայ համայնքի ներկայացուցիչները:
«Սասնա ծռեր»-ի գործով դատաքննությունն ավարտվեց
Երևանի ընդհանուր իրավասության առաջին ատյանի դատարանում ավարտվել է «Սասնա ծռեր»-ի գործով դատաքննությունը: Պաշտպանական կողմի դեռ նախորդ նիստում ներկայացված միջնորդությունը՝ նոր փորձաքննություն իրականացնելու վերաբերյալ, մերժվել է: Դրանից հետո ամբաստանյալների փաստաբանները հանդես են եկել այլ միջնորդությամբ՝ պահանջելով հարցաքննության հրավիրել մեղադրական եզրակացության հիմքում ընկած փորձաքննության հեղինակներին: Դատարանը նման հնարավորություն է տեսնում արդեն վիճաբանության փուլի ընթացքում:
ՀԷՑ-ը Հանրային ծառայությունները կարգավորող հանձնաժողովից նախազգուշացում ստացավ
«Հայաստանի էլեկտրական ցանցեր» ընկերությունն այսօր նախազգուշացում է ստացել Հանրային ծառայությունները կարգավորող հանձնաժողովից՝ նախկինում պայմանագրից կետեր խախտելու համար: Հանձնաժողովը ՀԷՑ-ին պարտավորեցրել է էլեկտրաէներգիայի մատակարարման պայմանագրերը բաժանորդների հետ վերակնքել՝ հանձնաժողովի նոր ձևին համապատասխան:
«Մարզպետարանը դիտմամբ տապալում է ընտրությունը». Նորամարգի ուսուցիչները կրկին կառավարության մոտ էին
Կառավարության մոտ հերթական բողոքի ակցիա են իրականացրել Նորամարգի միջնակարգ դպրոցի ուսուցիչները՝ շարունակելով պնդել, որ դպրոցի տնօրենի թափուր պաշտոնի համար մրցույթը դիտավորյալ է տապալվել: Ըստ նրանց, Արարատի մարզպետ Գարիկ Սարգսյանը դպրոցի տնօրեն է ցանկանում նշանակել իր մերձավորին: Գործող կարգի համաձայն, եթե մրցույթը տապալվում է, ապա տնօրենին նշանակում է մարզպետը, հաստատում՝ փոխվարչապետը: Նորամարգցիները նշել են, որ եթե հարցն արդարացի լուծում չստանա, կանցնեն գործադուլի:
Կոնտակտներ
Մեր հասցեն.
ՀՀ, 0036, Երևան Ալիխանյան եղբայրների փող., 2 շենք (Աջափնյակ վարչ. շրջան)
Լրահավաք հեռախոս.
+374 10 39 10 39
Էլ.փոստ.
info@kentron.tv