Օրեր շարունակ Ռուսաստանի «Դոմոդեդովո» օդանավակայանում գիշերող մեր հայրենակիցներին օդանավակայանի աշխատակիցներն այս գիշեր տարհանել են: Համացանցում շատ արագ տարածվեցին տարհանված քաղաքացիների կադրերը և լուրեր շրջանառվեցին, թե նրանց նկատմամբ բռնություն է կիրառվել: «Էպիկենտրոնը» կապ է հաստատել նրանց հետ ու փորձել հասկանալ, թե ինչ է եղել իրականում: Մեր հայրենակիցները պատմել են, որ ինքնուրույն են դուրս եկել տարածքից, բռնություն, հրմշտոց կամ քաշքշուկ չի եղել:
Ճգնաժամային իրավիճակում, եկամտի բացակայությամբ պայմանավորված, տուրիստական տրանսպորտային կազմակերպությունները չեն կարողանում կատարել վարկային պարտավորությունները: Չնայած բանկերը երկու ամսով երկարաձգել են վարկերի մարման ժամկետները, սակայն դա ըստ տուրիստականների՝ ստեղծված պայմաններում խնդրի լուծում չի կարող լինել: Նրանք դիմել են կառավարություն՝ վարկային մարումներն առնվազն 1 տարով հետաձգելու և հավելյալ աջակցության ապահովման խնդրանքով:
Ինչպե՞ս են անցկացվելու Հայոց ցեղասպանության 105-րդ տարելիցի միջոցառումները` կորոնավիրուսի հետևանքով առաջացած արտակարգ դրության պայմաններում: Կառավարությունն արդեն որոշել և այսօր ներկայացրել է զոհերի հիշատակը ոգեկոչելու արարողության ձևաչափը: Ապրիլի 24-ին Ծիծեռնակաբերդի բարձրունք կարող է բարձրանալ միայն երկրի բարձրաստիճան ղեկավարությունը: Հայաստանի ու սփյուռքի քաղաքացիները նույնպես կարող են մասնակցել միջոցառումներին, սակայն ոչ ֆիզիկական ներկայությամբ: Մանրամասները տեսանյութում:
Ավանդույթի համաձայն՝ յուրաքանչյուր տարի գյուղատնտեսական աշխատանքների մեկնարկից առաջ Երևանի «Արարատ կոնյակի, գինու օղու կոմբինատ»-ի սեփականատեր Գագիկ Ծառուկյանը հանդիպում է Արարատի և Արմավիրի մարզերի խաղողագործների հետ, լսում նրանց խնդիրները, հայտնում անհրաժեշտ քանակությամբ պարարտանյութ և դեղորայք հատկացնելու մասին: Արտակարգ դրությամբ պայմանավորված կուտակումները բացառելու համար այս տարի Գագիկ Ծառուկյանի հետ հանդիպում չի եղել, սակայն կոմբինատը գյուղացիներին հատկացրել է անհրաժեշտ պարարտանյութն ու բուժանյութերը: Խաղողագործների մտահոգություններն այս անգամ լսել են ԱԺ «Բարգավաճ Հայաստան» խմբակցության պատգամավորները, խոստացել դրանք մեկ առ մեկ փոխանցել Գագիկ Ծառուկյանին:
«Գագիկ Ծառուկյան» բարեգործական հիմնադրամը համաճարակային իրավիճակում շարունակում է խոշորամասշտաբ սոցիալական աջակցությունը Երևանի և մարզերի բնակիչներին: Հերթական անգամ հիմնադրամի աշխատակիցները սննդով լի կապոցներ են բաժանել Զեյթուն համայնքում և «Հույսի ավան» թաղամասում բնակվող սոցիալապես անապահով ընտանիքներին:
«Գագիկ Ծառուկյան» բարեգործական հիմնադրամը մայրաքաղաքում շարունակում է կանխարգելիչ միջոցառումներն ընդդեմ կորոնավիրուսի տարածման: Հերթական անգամ վարակազերծող հատուկ նյութերով ախտահանման աշխատանքներ են իրականացվել Կենտրոն և Աջափնյակ վարչական շրջաններում:
Մեր հասցեն.
ՀՀ, 0036, Երևան Ալիխանյան եղբայրների փող., 2 շենք (Աջափնյակ վարչ. շրջան)
Լրահավաք հեռախոս.
+374 10 39 10 39
Էլ.փոստ.
info@kentron.tv