«Քաղաքական հրաշքին հաջորդելու է տնտեսական հրաշքը». Փաշինյանը՝ Վանաձորի բիզնես ֆորումին
Վանաձորի տեխնոլոգիական կենտրոնում տեղի է ունեցել «Իմ քայլը հանուն Լոռու մարզի» ներդրումային բիզնես ծրագրերի համաժողովը, որին մասնակցել է վարչապետ Նիկոլ Փաշինյանը՝ կառավարության ներկայացուցչական կազմի հետ: Ներկա են եղել նաև գործարարներ և ներդրողներ ինչպես Հայաստանից, այնպես էլ արտերկրից: Իր ելույթում խոսելով տնտեսական հեղափոխության մասին՝ Նիկոլ Փաշինյանն ընդգծել է, որ այն իրականացնելու են ՀՀ քաղաքացիները։ «Այն ժողովուրդը, որն ի վիճակի է եղել իրականացնել և հասնել մի էֆեկտի, որը համարում ենք քաղաքական հրաշք, ուրեմն տնտեսական հրաշքը ևս մեր հասանելիության տիրույթում է»,- ասել է վարչապետը: Կառավարության ղեկավարը մի խումբ գործարարների հետ քննարկել է տարբեր ներդրումային ծրագրեր, որց հետո շրջայց է կատարել Վանաձորի տեխնոլոգիական կենտրոնում, ծանոթացել է նաև քաղաքի թիվ 7 հիմնական դպրոցի կառուցման ընթացքին:
Հանրահայտ «Տաքսի» ֆիլմի լեգենդար վարորդը Հայաստանում է
Այսօր Երևան է ժամանել հանրահայտ «Տաքսի» ֆիլմի գլխավոր դերակատար Սամի Նասերին: Նա Հայաստան է եկել հետևելու ՀԱՕԿ նախագահ Գագիկ Ծառուկյանի հովանու ներքո վաղն անցկացվելիք MMA-ի և K1-ի միջազգային «Միքս Ֆայթ» մրցաշարին: Աշխարհահռչակ ֆիլմի լեգենդար վարորդին «Զվարթնոց» օդանավակայանում դիմավորել են երկրպագուներն ու բազմաթիվ լրատվամիջոցներ: Նասերին խոստովանել է, որ հայերի մասին շատ բան չգիտի, բայց բազմաթիվ հայ ընկերներ ունի: «Ուրախ եմ Շառլ Ազնավուրի Հայաստանում լինելու համար»,- ասել է դերասանը:
Ներդրողները սկսել են հետաքրքրվել Մետրոյի նոր կայարանի կառուցմամբ
Մետրոյի զարգացման ծրագիրը մտել է գործնական փուլ. քաղաքապետարանի առաջարկը գրավել է ներդրողներին: Քաղաքապետարանի կողմից դիտարկվող բիզնես ծրագիրն իր մեջ երկու բաղադրիչ է ներառում: Մետրոյի կայարանի հարևանությամբ առևտրի կենտրոնի կառուցում և տարածքում բնակարանային ֆոնդի թարմացում: Դեպի նոր կայարան մետրոյի գնացքը կհասնի 525 մ երկարության թունելով: Այն կառուցվել է դեռևս Խորհրդային միության տարիներին և մնացել անավարտ: Հիմա թունելային անցումն ամբողջությամբ կարդիականացվի:
Պրեմիերա. Մոցարտի «Կախարդական սրինգ» օպերան կներկայացվի հայ հանդիսատեսի դատին
Փետրվարի 25-ին Ալեքսանդր Սպենդիարյանի անվան օպերայի և բալետի ազգային ակադեմիական թատրոնում տեղի կունենա Մոցարտի «Կախարդական սրինգ» օպերայի հայաստանյան պրեմիերան: «Կախարդական սրինգ» օպերան 2018 թվականին ներկայացվել է Դուբայում և Քուվեյթում և արժանացել հանդիսատեսի բարձր գնահատականին: Ներկայացման բեմադրող դիրիժորն է Հարություն Արզումանյանը, բեմադրող ռեժիսորը՝ իտալացի նշանավոր բեմադրիչ Պաոլո Միչիկեն։
Փետրվարի 23-ը «Կարմիր բանակի» օրն է. ինչպե՞ս են տոնը նշում Հայաստանում
Փետրվարի 23-ը նախկին «Կարմիր բանակի» օրն է: Ռուսաստանում այն նշվում է որպես «Հայրենիքի պաշտպանի օր»: Սովորության համաձայն օրը նշում են նաեւ Հայաստանում: Պահեստազորի փոխգնդապետ Խաչատրյանն, օրինակ, հավաքում է ընկեր վետերաններին ու… մի լավ ուրախանում, հիշում ծառայության տարիներն ու անցած-գնացածը: Տոնը նշվում են նաև պաշտոնապես: «Հայրենիքի պաշտպանի օրվան» նվիրված միջոցառում է անցկացվել Երևանի «Հաղթանակ զբոսայգու» անմար կրակի մոտ: Տոնական քայլերթին մասնակցել են Հայաստանում տեղակայված ռուսական զորքերի զինվորներն ու սպաները, նաեւ Հայաստանի Զինված ուժերի նվագախումբը: Հայաստանում Ռուսաստանի արտակարգ եւ լիազոր դեսպան Սերգեյ Կոպիրկինը նշել է, որ հայերը մեծ դեր են ունեցել ռուսական բանակի կազմավորման գործում, իսկ Հայաստանն ու Ռուսաստանը ամուր դաշնակցային կապեր ունեն:
«Ուզում ենք, որ Ն. Զոհրաբյանը հարցին լուծում տա». Հացադուլավոր Դատապարտյալը դիմել է պատգամավորին
«Արմավիր» քրեակատարողական հիմնարկում փետրվարի 21-ին հացադուլ է հայտարարել կալանավոր Արայիկ Թաթոսյանը: Ընկերոջ առողջական վիճակով մտահոգ «Էպիկենտրոն» է ահազանգել Անդրանիկ Գևորգյանը: Նա հայտնել է, որ Արայիկ Թաթոսյանը հանդիպում է պահանջում ԱԺ ԲՀԿ խմբակցության պատգամավոր Նաիրա Զոհրաբյանի հետ, քանի որ կարծում է՝ միայն նա կարող է իր խնդրին լուծում տալ: Անդրանիկ Գևորգյանը նշել է, որ համաներումը տարածվել է նաև Արայիկ Թաթոսյանի վրա, սակայն դատը ձգձգվում է: Նա քրեկատարողական հիմնարկներում պահվող 10 հացադուլավոր դատապարտյալներից մեկն է:
Ինչպե՞ս պայքարել գարնանը սրվող սիրտանոթային հիվնադությունների դեմ
Գարնանամուտին զուգահեռ սրվում են նաև եղանակային փոփոխությոններով պայմանավորված սիրտանոթային հիվնադությունները: Ձմռան ամիսների սննդակարգի և ապրելակերպի պատճառով մարդկանց մոտ թուլանում է իմունային համկարգը, պակասում են վիտամինները: Մասնագետները խորհուրդ են տալիս խնդիրների առաջացումը կանխել բնական ճանապարհներով: