Տարեսկզբին Գագիկ Ծառուկյանն այցելել էր Երևանի օլիմպիական հերթափոխի պետական մարզական քոլեջ: Այցի ընթացքում կրթօջախի աշխատակիցները Հայաստանի ազգային օլիմպիական կոմիտեի նախագահին խնդրել էին աջակցել քոլեջի ճաշարանի վերանորոգման հարցում: Խնդրանքն անարձագանք չմնաց․ ավելին Գագիկ Ծառուկյանի հովանավորությամբ հիմնորոգվեց ոչ միայն քոլեջի ճաշարանը, այլև մարզօջախի բակում սպորտ հրապարակ կառուցվեց, որտեղ իրենց ընդհանուր ֆիզիկական պատրաստվածությունն են բարելավելու քոլեջի սաները:Կատարված աշխատանքներին տեղում ծանոթանալու նպատակով՝ դեկտեմբերի 24-ին Երևանի օլիմպիական հերթափոխի պետական մարզական քոլեջ էին այցելել հայրենական սպորտի ղեկավարները՝ Հայաստանի ազգային օլիմպիական կոմիտեի նախագահ Գագիկ Ծառուկյանի գլխավորությամբ: ՀԱՕԿ նախագահը ծանոթացավ ճաշարանի և խոհանոցի պայմաններին, զրուցեց պատանի մարզիկների և մարզիչների հետ, հորդորեց ջանք ու եռանդ չխնայել և արդյունավետ աշխատել: Կարևորորելով Երևանի օլիմպիական հերթափոխի պետական մարզական քոլեջի դերը՝ մարզօջախի ղեկավարությամը հանձնարարվեց ամբողջ հանրապետությունով մեկ մանրակրկիտ ընտրություն կատարել և լավագույն տվյալներով օժտված երեխաներին ընդունել քոլեջ: Հանդիպման վերջում Գագիկ Ծառուկյանը, որպես ամանորյա նվեր, 3 մլն դրամ հատկացրեց քոլեջի աշխատակազմին:

«Մրցաշրջան 2012-ը մեր մարզիկների համար մեծ ձեռքբերումների տարի էր: Տարբեր տարիքային խմբերի, Եվրոպայի և Աշխարհի առաջնություններում հայաստանցի մարզիկներն, ընդհանուր առմամբ, 150 մեդալ են նվաճել․այդ թվում՝ 29 ոսկե, 47 արծաթե և 74 բրոնզե: Տարվա ամենակարևոր մարզական ստուգատեսը Լոնդոնում տեղի ունեցած ամառային 30-րդ օլիմպիական խաղերն էին, որտեղից մեր մարզիկները հայրենիք վերադարձան 3 մեդալով․ հունահռոմեական ոճի ըմբիշ Արսեն Ջուլֆալակյանը Լոնդոնում արծաթե մեդալ նվաճեց, նրա թիմակից Արթուր Ալեքսանյանը և ծանրորդ Հռիփսիմե Խուրշուդյանն էլ պատվո պատվանդանի 3-րդ աստիճանին կանգնեցին:

Փոքրիկների կողմից սիրված Ձմեռ պապերն ու Ձյունանուշները մինչև հունվարի 5-ը կշարունակեն գեղեցիկ նվերներ ու հաճելի ակնթարթներ պարգևել ինչպես մայրաքաղաքում, այնպես էլ մարզերում բնակվող բոլոր երեխաների

Սիրելի հայրենակիցներ,

սրտանց շնորհավորում եմ ձեզ՝ Ամանորի և Սուրբ Ծննդյան տոների առիթով։ Մաղթում եմ բոլոր ընտանիքներին հարատև խաղաղություն, բազում հաջողություններ, բարօրություն ու բարեկեցություն: Մաղթում եմ, որ Նոր տարվա գալուն զուգահեռ, յուրաքանչյուր հայ ընտանիքում բացվի հույսի, հավատի և անսահման սիրո լույսը: Թող գալիք 2013 թվականը լինի ձեր սպասումների և հույսերի իրականացման տարի։ Համոզված եմ, որ միասնական ջանքերով մենք կկարողանանք դիմակայել բազում դժվարությունների և առաջընթաց քայլեր կանենք մեր երկրի հզորացման ու զարգացման ճանապարհին։

Սիրելի հայրենակիցներ, մենք բոլորս պետք է առավել լավատեսորեն նայենք մեր վաղվա օրվան, հավատանք, որ այն առավել լուսավոր ու պայծառ է լինելու: Ես հավատում եմ, որ գալիք 2013 թվականը մեզ համար լինելու է նորանոր հաղթանակների, ձեռքբերումների և առաջընթացի տարի:

Եվս մեկ անգամ շնորհավորելով Ամանորի և Սուրբ Ծննդյան տոների կապակցությամբ՝ մաղթում եմ խաղաղություն, բարեկեցություն և բարգավաճում Հայաստանի Հանրապետությանը: Աստված պահապան մեզ բոլորիս: Շնորհավոր Ամանոր և Սուրբ Ծնունդ:

ԲՀԿ նախագահ Գագիկ Ծառուկյանն, ավանդույթի համաձայն, հին Նոր տարին անցկացրեց կուսակցության երիտասարդ ակտիվիստների հետ: Ինչպես նախորդ տարիներին, այնպես էլ այս անգամ, իրենց ակտիվ գործունեությամբ աչքի ընկած մի քանի հարյուր երիտասարդ կուսակցականներ Գագիկ Ծառուկյանի կողմից պատվոգրեր և խրախուսական պարգևներ ստացան: Պարգևատրվեցին նաև դեկտեմբերի 24-ից մինչև հունվարի 10-ը ավելի քան 350 հազար երեխաներին ուղղված ամանորյա ակցիայի համակարգողները: «Մեր ապագան կրթված և հայրենասեր երիտասարդներինն է, և հենց նրանք են, որ պետք է հնարավորություն ստանան ինքնադրսևորվելու հայրենի երկրում և ամենօրյա քրտնաջան աշխատանքով ու նվիրվածությամբ հզորացնեն այն: Ձեր իղձերի իրականացման ճանապարհին միշտ լինելու եմ ձեր կողքին, ավելի շատ եմ աջակցելու»,- շնորհավորելով երիտասարդ կուսակցականներին՝ ընդգծեց Գագիկ Ծառուկյանը:

«Բարգավաճ Հայաստան» կուսակցության կանանց խորհուրդը, պատվավոր նախագահ Ռոզա Ծառուկյանի գլխավորությամբ, անցկացրեց ընդլայնված կազմով նիստ: Օրակարգային մի շարք հարցերի թվում էր նաև անցած տարիների աշխատանքային գործունեության ամփոփումն ու առաջիկա ծրագրերի քննարկումը: ԲՀԿ կանանց խորհուրդն այսուհետ իր աշխատանքը նոր ղեկավար կազմով կշարունակի: Պատվավոր նախագահ Ռոզա Ծառուկյանի հետ միասին խորհրդի աշխատանքները կհամակարգեն նրա տեղակալներ Թամարա Պողոսյանն ու Մարինա Մարգարյանը: Խորհրդի որոշմամբ նաև ձևավորվեց 5 նոր հանձնաժողով՝ գաղափարաքարոզչական, գյուղատնտեսական, սոցիալական, առողջապահական և կրթական:Կազմակերպության ուշադրության կենտրոնում անցած տարիներին առավելապես եղել են մեր երկրի թիրախային խմբերը՝ սոցիալապես անապահով ընտանիքներից մինչև արցախյան պատերազմի հերոսներ, միայնակ թոշակառուներից, տարեցներից ու հաշմանդամներից մինչև երեխաներ: Նիստի ժամանակ նշվեց, որ ԲՀԿ խմբակցությունն էլ մշակել է նաև օրենսդրական փոփոխությունների մի ամբողջ փաթեթ. ուշադրության առանցքում տարբեր ոլորտների լրջագույն խնդիրներն են՝ փոքր ու միջին բիզնեսից մինչև ավանդների փոխհատուցում և քրեակատարողական հիմնարկներ:Կուսակցության կայացման և մեր երկրի բարգավաճման գործում ունեցած նշանակալի ավանդի համար ԲՀԿ նախագահ Գագիկ Ծառուկյանի անունից շնորհակալագիր և խորհրդանշական հուշանվեր տրվեց խորհրդի առաջին նախագահ Գոհար Ենոքյանին: