Բարգավաճ Հայաստան կուսակցության նախագահ Գագիկ Ծառուկյանն ընդունել է Լեհաստանի կառավարական պատվիրակությանը՝ տնտեսական պալատի նախագահ Զբիգնև Շմուրլոնի գլխավորությամբ: Կողմերը կարևոր են համարել տարբեր ոլորտներում հայ-լեհական գործակցության զարգացումը՝ նշելով, որ առկա է հրաշալի ներուժ՝ համատեղ ջանքերով բազմաթիվ ծրագրեր կյանքի կոչելու համար:
ՀԱՕԿ նախագահ Գագիկ Ծառուկյանն այսօր ընդունել է Սլովակիայի Տրնավայի երկրամասի նահանգապետ, Չեխոսլովակիայի և Եվրոպայի կարատեի չեմպիոն, 8 սև գոտու տիտղոսակիր Տիբոր Միկուշի գլխավորած պատվիրակությանը: Հանդիպման ընթացքում կողմերը քննարկել են երկու երկրների միջև տնտեսական հարաբերությունների հաստատմանն ու մարզական կապերի զարգացմանն առնչվող հարցեր:
Հայոց ցեղասպանության 98-րդ տարելիցի կապակցությամբ Ծիծեռնակաբերդի բարձունք է այցելել ՙԲարգավաճ Հայաստան՚ կուսակցության նախագահ Գագիկ Ծառուկյանը՝ կուսակցության քաղաքական խորհրդի անդամների և ԲՀԿ խմբակցության պատգամավորների ուղեկցությամբ: Կուսակցության ներկայացուցիչները ծաղկեպսակ ու ծաղիկներ են դրել Մեծ Եղեռնի անմեղ զոհերի հիշատակը հավերժացնող հուշակոթողի մոտ, անմար կրակի շուրջ հարգել նրանց հիշատակը:
Հայաստանի ազգային օլիմպիական կոմիտեի նախագահ Գագիկ Ծառուկյանը ապրիլի 23-ին ընդունել է Հայ մարմնակրթական ընդհանուր միության (Հ.Մ.Ը.Մ.) կենտրոնական վարչության անդամներին: Հանդիպման ընթացքում կողմերը զրուցել են միության գործունեության ոլորտների, իրականացվող միջոցառումների, առկա խնդիրների ու դրանց լուծման հնարավոր ուղիների մասին: Հանդիպման ընթացքում չեն շրջանցվել նաև հետագա համագործակցության հեռանկարներին վերաբերող թեմաները:
Կոնտակտներ
Մեր հասցեն.
ՀՀ, 0036, Երևան Ալիխանյան եղբայրների փող., 2 շենք (Աջափնյակ վարչ. շրջան)
Լրահավաք հեռախոս.
+374 10 39 10 39
Էլ.փոստ.
epikentron@kentron.tv
info@kentron.tv