Ազգային ժողովում շարունակվում են 2019 թվականի բյուջեի նախագծի քննարկումները: Այսօր իրենց հաջորդ տարվա հատկացումներին են անդրադարձել Կրթության ու գիտության, Մշակույթի, Սպորտի և երիտասարդության հարցերի նախարությունները: Իսկ լրագրողների հետ զրույցում գերատեսչությունների ղեկավարաներն անդրադարձել են խորհրդարանի արտահերթ ընտրությանն իրենց մասնակցությանը: Մանրամասները՝ տեսանյութում:
Կառավարության շենքի մոտ այսօր բողոքի ակցիա է կազմակերպվել՝ ի պաշտպանություն Նորք Մարաշի զինված խմբի գործով կալանավորված Արթուր Վարդանյանի: Նրա աջակիցները վրդովված են, որ համաներման ակտն այս գործի վրա չի տարածվել: Տեղեկացրել են, որ Վարդանյանն առողջական խնդիրներ ունի և չի կարող անազատության մեջ մնալ: Նրանք նաև նամակ են փոխանցել կառավարության ղեկավարի պաշտոնակատարին:
Ինչպես կարելի է իջեցնել էլեկտրաէներգիայի սակագինը: Հարցն այսօր քննարկվել է Ազգային ժողովի քննիչ հանձնաժողովում: Նիստին նաև մասնակցել է ՀԷՑ գլխավոր տնօրեն Կարեն Հարությունյանը :Նա ներկայացրել է, թե ինչ ներդրումներ են վերջին տարիներին կատարվել ցանցում, և ինչպե՞ս է գոյանում էլեկտրաէներգիայի սակագինը: Հանձնաժողովի նախագահ Միքայել Մելքումյանը հայտարարել է, որ պետությունն իրավասու է սահմանել շահույթի առավելագույն չափ , որքան էլ մասնավորեցման պայմանագրում դա նշված չէ:
Պետական եկամուտների կոմիտեի քննչական ծառայությունը բացահայտել է խոշոր չափի կաշառք տալու և այդ գործընթացին օժանդակելու փորձի դեպք: Պարզվել է, որ կոմիտեի ավագ հարկային տեսուչ Արտակ Պետրոսյանը խաբեությամբ հափշտակել է 5 մլն դրամ, նա կալանավորվել է: Հատուկ քննչական կոմիտեում հարուցված քրեական գործի շրջանակներում էլ «Հայրենիք-սփյուռք կենտրոն» ՊՈԱԿ-ի նախկին տնօրենի կողմից մասնակի փոխհատուցվել է պետությանը պատճառված վնասը: Պետական վերահսկողության ծառայության դեպոզիտ հաշվին է փոխանցվել 100 մլն դրամ՝ որպես պատճառված վնասի մասնակի վերականգնում:
Արցախի նախագահ Բակո Սահակյանը Ստեփանակերտում հանդիպել է Հայաստանի Հանրապետության վարչապետի պաշտոնակատար Նիկոլ Փաշինյանի հետ: Քննարկվել են պաշտպանության բանակի մարտունակության բարձրացմանը, Արցախի և Հայաստանի ռազմական փոխգործակցությանը, սահմանում տիրող իրավիճակին, հայկական երկու պետությունների ներքին ու արտաքին քաղաքականությանը վերաբերող հարցեր: Նիկոլ Փաշինյանն ու Բակո Սահակյանը նոյեմբերին այցելել են արեւելյան սահմանագծի մի շարք հատվածներ, տեղում ծանոթացել զինվորների ծառայության ընթացքին եւ տիրող իրավիճակին:
ՀԱՕԿ նախագահ Գագիկ Ծառուկյանի հրավերով Հայաստան է ժամանել Ազգային օլիմպիական կոմիտեների ասոցիացիայի նախագահ շեյխ Ահմադ Ալ Ֆահադ Ալ Սաբահը: Աշխատանքային այցի նպատակը գործակցությանը նոր թափ հաղորդելն ու առաջիկայում համատեղ ջանքերով նոր ծրագրեր կյանքի կոչելն է: Հիշեցնենք, դեռ նախորդ տարի, խորհրդարանի ընտրությանն ընդառաջ, շեյխ Ալ Սաբահը հայտարարել էր, որ «Բարգավաճ Հայաստան» կուսակցության հաղթանակի դեպքում պատրաստ է միլիարդավոր դոլարների ներդրում կատարել Հայաստանում: ԱՆՕԿ նախագահը շեշտել էր, որ ցանկության հիմքում Գագիկ Ծառուկյանի հետ ջերմ հարաբերություններն են և նրա հանդեպ ունեցած վստահությունը:
Մեր հասցեն.
ՀՀ, 0036, Երևան Ալիխանյան եղբայրների փող., 2 շենք (Աջափնյակ վարչ. շրջան)
Լրահավաք հեռախոս.
+374 10 39 10 39
Էլ.փոստ.
info@kentron.tv