Առավոտյան Հանրապետության հրապարակից մեկնարկած Իմ քայլը նախաձեռնության երթը Նիկոլ Փաշինյանի գլխավորությամբ մայրաքաղաքի կենտրոնական փողոցներով անցնելով առանց խոչընդոտի շարժվել է դեպի Էրեբունի վարչական շրջան: Նիկոլ Փաշինյանի և երթի մասնակիցների պահանջը Հայաստանի Հանրապետական կուսակցության հրաժարականն ու իշխանությունից հեռանալն է: Էրեբունի վարչական շրջանում 10-ը րոպե հանգստանալուց հետո երթի մասնակիցները շարժվել են դեպի Շենգավիթ, այնուհետեւՀանրապետության հրապարակ:

ԲՀԿ առաջնորդ Գագիկ Ծառուկյանի՝ համազգային մոբիլիզացիայի մասին կոչին միացել են նաև հայ մարզաշխարհի ներկայացուցիչները: Մեր օլիմպիական չեմպիոններն ու տիտղոսակիր մարզիկները վաղ առավոտից Հանրապետության հրապարակում են: Նրանք նշել են, որ դուրս են եկել փողոց՝ միանալու ժողովրդի արդարացի պահանջին ու կանգնելու նրա կողքին: Հիշեցնենք, որ այսօր առավոտյան հրաժարական էր ներկայացրել Սպորտի և երիտասարդության հարցերի նախարարի պաշտոնակատար Հրաչյա Ռոստոմյանը: Նա հայտարարել էր, որ որպես ԲՀԿ համակիր, պաշտպանում է Գագիկ Ծառուկյանի՝ համազգային մոբլիզացիայի մասին կոչն ու անձամբ դուրս է գալիս փողոց:

Ծառուկյան դաշինքը և Բարգավաճ Հայաստան կուսակցությունը մշտապես եղել են ժողովրդի կողքին և այսօր էլ Համաժողովրդական շարժման կողքին են, - այսօր հայտարարել են ԱԺ Ծառուկյան խմբակցության պատգամավորները: Նրանք մասնակցել են այսօր Հանրապետության հրապարակում մեկնարկած երթին: