Այսօր մարզիկներն արդեն մեկնել են Հայաստանից: Ընդհանուր առմամբ այս օրերին Հայաստան էր ժամանել 34 երկրի 432 պատվիրակ, որոնք անկասկած Հայաստանից հեռանում են լավ տրամադրությամբ:

Նիկոլ Փաշինյանը իր քայլերթը այսօր սկսել է Գյուլբենկյան փողոցից ու շարժվել դեպի Դավթաշեն: Երթի առաջնորդը խոսել է վարչապետի իրենց թեկնածուի բացակայության, հետագա անելիքների ու բերման եթարկվածների մասին: Այսօր ցուցարարները բողոքի ակցիանները սկսել են մայրաքաղաքի տարբեր կետերից: Ակտիվիստներից շատերը շարունակել են փակել փողոցները, ոմանք էլ քայլերթով միացել են Ելք խմբակցության ղեկավարին: Ոստիկանությունը ցուցարարներին հորդորել է բացել ճանապարհը և չխոչընդոտել երթևեկությունը: Առավոտյան Թերլեմեզյանի անվան գեղարվեստի քոլեջի ուսանողները փակել են Արշակունյաց պողոտան, սակայն ոստիկաններին հաջողվել է վերականգնել փողոցի երթեւեկությունը: Ոստիկանները բերման են ենթարկել մի քանի ցուցարար երիտասարդի, ինչն էլ լարվածություն է առաջացրել: