Հայաստանի խորհրդարանը երկրի նոր վարչապետին կընտրի ապրիլի 17-ին՝ իրավունքի ուժով գումարվող ԱԺ հատուկ նիստում , - այսօր մեկնարկած խորհրդարանի հերթական նստաշրջանի սկզբում հայտարարել է ԱԺ նախագահ Արա Բաբլոյանը: Հայաստանի օրենսդիր մարմինն այսօր սկսել է քննարկել համապարփակ և ընդլայնված գործընկերության համաձայնագիրը վավերացնելու մասին հարցը: Այդ համաձայնագիրը կնքվում է Հայաստանի Հանրապետության` մի կողմից, Եվրոպական միության և ատոմային էներգիայի եվրոպական համայնքի ու դրանց անդամ պետությունների` մյուս կողմից:

Հայ-ռուսական հարաբերությանը, Ղարաբաղյան հակամարտության կարգավորմանը ռուսական դերակատարման, հայ-ռուսական մշակութային և հումանիտար կապերի, նոր Հայաստանի՝ նորացված ու երիտասարդ ոգով՝ 21-րդ դարին համապատասխանող, Հայաստանում ներդրումային միջավայրի, հայկական սփյուռքի, նույնիսկ հայ կնոջ դերին վերաբերող հարցերին է պատասխանել Հայաստանի նորընտիր նախագահը:

Հեղափոխական քայլ, որը մեր երկրի առջև բացելու է նոր հեռանկարներ. Տեղեկատվական ոլորտի մասնագետներն այսպես են բնորոշում «Մուլտի Գրուպ» կոնցեռնի և շվեդական «Օմնիա Թեք» ընկերության՝ Հայաստանում աշխարհի ամենամեծ մայնինգ ֆերմա ստեղծելու նախագիծը: Ինչպես արդեն հայտարարվել է, կողմերն առաջիկա 2 տարում նախատեսում են ավելի քան 2 միլիարդ դոլար ներդրում կատարել: Նախագծի համաձայն՝ ապրիլից կսկսվի կրիպտոարժույթի համատեղ արտադրությունը: Բացի այդ, բլոկչեյն տեխնոլոգիաների հիման վրա կստեղծվեն նոր ծրագրեր՝ Հայաստանը դարձնելով ֆինանսական տեխնոլոգիաների հարթակ: