Թուրքիայի մեջլիսի քրդամետ Ժողովուրդների դեմոկրատական կուսակցության պատգամավոր Կարո Փայլանն այսօր հայտնել է, որ Թուրքիա վերադառնալուց հետո դիմելու է վարչապետ Բինալի Յըլդըրըմի կառավարությանը հայ-թուրքական երկխոսության փակված դուռը մի փոքր բացելու համար: Փայլանն այսօր անդրադարձել է նաև ՄԱԿ-ի ամբոնից Նախագահ Սարգսյանի հնչեցրած այն հայտարարությանը, որ մինչև 2018 թ. գարուն Հայաստանը կարող է առ ոչինչ հայտարարել 2009 թ. Ցյուրիխում ստորագրված հայ-թուրքական արձանագրությունները: 2009 թվականի փաստաթուղթը կարևոր է, սակայն երկխոսության համար նոր, ճերմակ թուղթ է անհրաժեշտ, - ասել է Կարո Փայլանը:

Հայաստանում հոկտեմբերի 1-ից կգործի սոցիալական փաթեթի շահառուների՝ պետության երաշխավորած անվճար և արտոնյալ պայմաններով բժշկական օգնություն և սպասարկում ստանալու նոր կարգը: Տարեկան պարտադիր բուժզննումը շահառուն կարող է անցնել իր ընտրած ցանկացած բուժհաստատությունում: Բոլոր այն հիմնարկները, որոնք սոցփաթեթով պայմանավորված 700-ից ավելի ծառայություններից գեթ մեկի մատուցման համար լիցենզավորում ունեն, ապա կարող են դիմել նախարարություն և ընդգրկվել: Այսօր հաստատված ցանկում կա արդեն 150 բուժհիմնարկ:

Կարեն Կարապետյանը նշել է, որ հունվարից գոստոս բոլոր ոլորտներում՝ բացառությամբ գյուղատնտեսության և շինարարության, արձանագրվել է աճ: Վարչապետի հանձնարարականների և կառավարության նիստի մասին:

Նախարարն այսօր ներկայացրել է տարեկան հաշվետվություն՝ անդրադառնալով նաեւ այդ հարցին: Նա պատասխանել է հարցին, արդյոք վարչապետ Կարեն Կարապետյանի հանձնարարականով է եղել ռուսաց լեզվի հայեցակարգի մշակումը: Նախարարը պատասխանել է, որ երբեք չի խուսափել պատասխանատվությունից, իսկ վարչապետի հանձնարարականը եղել է օտար լեզուների ուղղությամբ և ոչ թե միայն ռուսերենի: Դեռ դեկտեմբերին ձևավորվել են խմբեր, որոնք աշխատում են երկու ուղղությամբ էլ: