ՀԱՕԿ գլխավոր քարտուղար Հրաչյա Ռոստոմյանը հայտարարություն է տարածել, որտեղ կետ առ կետ անդրադարձել է Հայաստանի բռնցքամարտի ֆեդերացիայի նախագահ Արթուր Գևորգյանի՝ այսօր հնչեցրած որոշ գնահատականներին՝ կապված Հայաստանի ազգային օլիմպիական կոմիտեի և ՀՀ սպորտի և երիտասարդության հարցերի նախարարության գործունեության հետ: Հրաչյա Ռոստոմյանը նշել է, որ Արթուր Գևորգանի գնահատականներն իրականության հետ որևէ առնչություն չունեն, հետևաբար չի կարող դրանք անարձագանք թողնել:

Արարատի մարզպետը կարգադրել է հեռացնել «Մասիս բժշկական կենտրոն» ՓԲԸ գործադիր տնօրեն Նունե Ավանեսյանին:Գարիկ Սարգսյանը դա հիմնավորել է նրա կողմից աուդիտ իրականացնող անձանց աշխատանքը խոչընդոտելու հանգամանքով: Նույն օրը նախկին տնօրենը դիմել է դատարան՝ կարգադրությունը վերանայելու պահանջով: Թե ինչ գործընթացներ են իրականացվում ԲԿ-ում և ինչ թեմայի շրջանակում է կատարվել պաշտոնանկությունը՝ փորձել է պարզել «Էպիկենտրոն» - ի թղթակիցը:

Հանրապետության հրապարակում երեկ համերգով ու ՀՀ օրհներգի հնչյունների ներքո մեկնարկել է վարչապետ Նիկոլ Փաշինյանի պաշտոնավարման 100 օրն ամփոփող հանրահավաքը: Վարչապետը նախ հանրահավաքի մասնակիցներին կոչ է արել իջեցնել ընդդեմ ինչ – որ մեկի պարզած պաստառները, քանի որ օրն, ըստ Փաշինյանի, հայ ժողովրդի միասնության օրն է:Կառավարության ղեկավարն իր ելույթում անդրադարձել է տարբեր խնդիրների՝ տնտեսականից մինչև կոռուպցիա, մարտի մեկ, արտաքին և ներքաղաքական հարցեր: Նիկոլ Փաշինյանը հայտարարել է, որ մինչև ԱԺ ընտրությունները սահմանադրական փոփոխություններ կատարելու անհրաժեշտություն է տեսնում:

Արդյոք ԱՄՆ պատժամիջոցները կարող են բացասական անդրադառնալ Հայաստան – Իրան տնտեսական հարաբերությունների վրա: Իրանի դեմ պարբերաբար կիրառվող ամերիկյան պատժամիջոցների, ռիսկերի ու հնարավոր հետևանքների մասին Իզաբելլա Հովհաննիսյանը զրուցել է իրանագետ Վարդան Ոսկանյանի և տնտեսական գիտությունների դոկտոր, պրոֆեսոր Թաթուլ Մանասերյանի հետ: