Նոր վարկած՝ արդեն երկու ամիս որոնվող աուտիզմով տառապող 14-ամյա Հայկ Հարությունյանի գտնվելու վայրի մասին:Երեխայի մայրը՝ Հասմիկ Հարությունյանը, պնդում է, որ իր որդին ողջ է և գտնվում է Արարատի մարզի գյուղերից մեկում: Տիկին Հասմիկը նշել է, որ նոր վարկած առաջ քաշելու համար լուրջ հիմնավորումներ ունի: Այնթափ գյուղի 11-րդ փողոցի բնակիչ 14-ամյա Հայկ Հարությունյանը հունիսի 8-ին տնից դուրս է եկել և չի վերադարձել: ԱԻՆ- ն ու ոստիկանությունը ամբողջ ընթացքում որոնողափրկարարական աշխատանքներ են իրականացրել:

ԱԺ «Ծառուկյան» խմբակցության պատգամավոր Նաիրա Զոհրաբյանը ՖԲ իր էջում անդրադարձել է բնապահպանական մի շարք մտահոգիչ խնդիրների, որոնք հանգեցնում են բազմաթիվ հիվանդությունների ու ունենում անվերադարձ հետևանքներ:«Արհավիրք, որ պետք է անհապաղ կասեցնել», - նշել է Նաիրա Զոհրաբյանը՝ գրելով, որ օրերս հանդիպել է մի խումբ բնապահպանների հետ, նրանց հետ քննարկել բազմաթիվ հարցեր: «Երևանում, օդի աղտոտվածությամբ պայմանավորված, մի շարք քրոնիկ ծանր և մահացու հիվանդությունների աճի դինամիկան ուղղակի սարսափելի է: Սա արհավիրք է, որը պետք է անհապաղ կասեցնել: Ես սա ասում եմ նաև որպես լրագրող, ով երկար տարիներ զբաղվել է այս խնդրով:Ներկայացնում եմ բնապահպան Կարինե Դանիելյանի կողմից արված շատ լուրջ հետազոտության ընդամենը մի քանի դրվագներ, որպեսզի պարզ լինի, թե այս աղետն ինչ զարհուրելի հետևանքներ կարող է ունենալ», - գրել է ԱԺ «Ծառուկյան» խմբակցության պատգամավոր Նաիրա Զոհրաբյանը՝ հավելելով, որ առաջիկայում նախատեսված է հրավիրել մեծ համաժողով ՝ այս լրջագույն խնդիրը բոլոր շահարգրգիռ կողմերի հետ քննարկելու համար:

Վարչապետ Նիկոլ Փաշինյանը աշխատանքային այցով գտնվում է Տավուշի մարզում: Բերդի քաղաքապետարանի դիմաց վարչապետը հանդիպել է բնակիչների հետ, լսել նրանց մտահոգող խնդիրները և կոչ արել դրանք հասցեական ներկայացնել: Նիկոլ Փաշինյանն ընդգծել է. «Ես հիմա կառավարության ու երկրի ղեկավարի կարգավիճակում եմ, դուք էլ եք հիմա երկրի ղեկավարի կարգավիճակում, որովհետև Հայաստանի Հանրապետության բարձրագույն ղեկավարը քաղաքացին է»: Վարչապետը նշել է, որ կառավարությունը արտոնություններ կտա այն գործարարներին, որոնք ներդրումներ կանեն սահմանամերձ համայնքներում և Նոր Հայաստանի կառավարությունը երաշխավորում է ներդրումների անվտանգությունը: Լրագրողների հարցին ի պատասխան, թե ՀՀ երկրորդ նախագահ Ռոբերտ Քոչարյանի և նրա կողմնակիցների պնդման համաձայն խափանման միջոց կալանավորումը քաղաքական հետապնդում է, Նիկոլ Փաշինյանը ընդգծել է, որ ճիշտ չի համարում այդ թեմայով որևէ մեկնաբանություն անել, որովհետև ցանկացած մեկնաբանություն կարող է դիտվել որպես միջամտություն: Լրագրողների խնդրանքով վարչապետը անդրադարձել է նաև ՌԴ արտգործնախարար Սերգեյ Լավրովի հայտարարությանը և ընդգծել, որ օգոստոսի 17-ին կայանալիք հանրահավաքի նպատակը Լավրովին պատասխանելը չէ::

Հայաստանի ազգային օլիմպիական կոմիտեի նախագահ Գագիկ Ծառուկյանն ընդունել է հունահռոմեական և ազատ ոճի ըմբշամարտի Հայաստանի երիտասարդական հավաքականներին, որոնք փայլուն էին հանդես եկել Եվրոպայի առաջնությունում: Հիշեցնենք, որ Հռոմում կայացած հին աշխարհի առաջնությունում մեր երիտասարդ ըմբիշները նվաճել էին 10 մեդալ, որոնցից 4-ը՝ ամենաբարձր հարգի: Ընդ որոմ, թե՛ ազատ, թե՛ հունահռոմեական ոճի մեր հավաքականները մրցանակային տեղ են գրավել նաև թիմային պայքարում:

Հայաստանի ազգային օլիմպիական կոմիտեի նախագահ Գագիկ Ծառուկյանն ընդունել է հունահռոմեական և ազատ ոճի ըմբշամարտի Հայաստանի երիտասարդական հավաքականներին, որոնք փայլուն էին հանդես եկել Եվրոպայի առաջնությունում: Հիշեցնենք, որ Հռոմում կայացած հին աշխարհի առաջնությունում մեր երիտասարդ ըմբիշները նվաճել էին 10 մեդալ, որոնցից 4-ը՝ ամենաբարձր հարգի: Ընդ որոմ, թե՛ ազատ, թե՛ հունահռոմեական ոճի մեր հավաքականները մրցանակային տեղ են գրավել նաև թիմային պայքարում: