Այսօր մեկնարկել է Գրքի երևանյան չորրորդ փառատոնը: Այս տարի գրականության յուրօրինակ տոնը կրում է «Ժամանակիդ շունչը դարձիր» խորագիրը: Ժամանակակից գրողները և հայտնի հրատարակչությունները կներկայացնեն իրենց հին ու նոր գործերը, հեղինակները նաև անմիջական կշփվեն ընթերցասերների հետ:

Դաշնակցական Արծվիկ Մինասյանը և փաստաբան Հակոբ Մարտիրոսյանը գլխավոր դատախազությունից պահանջում են անգործություն չցուցաբերել և քրեական գործ հարուցել Նիկոլ Փաշինյանի նկատմամբ: Հայցվոր կողմը վարչապետի պաշտոնակատարին մեղադրում է պետական դավաճանության համար և պնդում, որ նա դիտավորությամբ արել է այնպիսի քայլեր, որ Շուշին ու Հադրութն անցնեն Ադրբեջանին: Դատական նիստը հետաձգվել է:

«Իմ քայլը» խմբակցության նախաձեռնությամբ 7-րդ գումարման ԱԺ-ն հրավիրել է վերջին արտահերթ նիստը: Քննարկվել են մի շարք նախագծեր՝ այդ թվում քրեական օրենսգրքի և քրեական դատավարության օրենսգրքի փոփոխությունները: Դրանցով նախատեսվում է քրեականցնել հայհոյանքը՝ անգամ հեռավար եղանակով: Մեկ այլ օրինագծով մասնակիորեն կամ ամբողջությամբ փոխհատուցելու է մարտական գործողությունների մասնակիցների, ինչպես նաև երկու և ավելի անչափահաս երեխա ունեցող ուսանողների ուսման վարձը:

8-րդ գումարման խորհրդարանի առաջին նիստին ընդառաջ ԱԺ-ի անվտանգության մակարդակը բարձրացվում է: Արդեն հայտնել ենք,որ պատգամավորները նիստերի դահլիճ կմտնեն անվտանգության սարքերով անցնելուց հետո:Ըստ լուրերի՝ կսահամանափակվի նաև ավտոմեքենայով խորհրդարան մտնելու հնարավորությունը: 7-րդ գումարման ԱԺ-ի դեռևս անկախ պատգամավոր Թագուհի Թովմասյանի խոսքով՝ առաջիկայում կսահմանափակվի նաև լրագրողների տեղաշարժը: Սպասվող փոփոխությունները մեկնաբանել է նաև ԱԺ փոխնախագահը:

Արդյո՞ք Հայաստանը ձեռնոց է նետում Ռուսատանին, եթե դիմում է միջազգային այլ խաղացողների սահմանային խնդիրները լուծելու համար: Քաղաքագետների տեսակետները հակադիր են: Սուրեն Պետրոսյանը կարծում է, որ նման քայլով Երևանը ձեռնոց կնետի Մոսկվային: Տարոն Հովհաննիսյանի խոսքով՝ մեր ռազմավարական դաշնակցին ու ՀԱՊԿ-ի հեղինակությանը միակ ձեռնոց նետողը Ադրբեջանն է: