Հայաստանի բնապահպանության նախարարության և Գագիկ Ծառուկյան բարեգործական հիմնադրամի միջև գործակցության հուշագիր ստորագրելուց հետո լրագրողներին հետաքրքրող բոլոր հարցերին է պատասխանել Բարգավաճ Հայաստան կուսակցության նախագահ Գագիկ Ծառուկյանը։ ԲՀԿ առաջնորդը անդրադարձել է գնաճին, խոսել է նախընտրական շրջանում իր գործընկերների կողմից ներդրումներ բերելու մասին՝ բացելով, որոշ փակագծեր: Գագիկ Ծառուկյանից լրագրողները հետաքրքրվել են նաև Հանրապետական կուսակցության նախագահի թեկնածուի ու նոր սահմանադրությամբ նախատեսված վարչապետի պաշտոնի մասին:
«Գագիկ Ծառուկյան» բարեգործական հիմնադրամի հոգաբարձուների խորհրդի նախագահ Գագիկ Ծառուկյանը և Բնապահպանության նախարար Արծվիկ Մինասյանն այսօր ստորագրել են գործակցության հուշագիր: Կողմերը պատրաստակամություն են հայտնել նպաստելու շրջակա միջավայրի պահպանությանն ու վերականգնմանը, նաև համատեղ ուժերով լուծում տալու ոլորտի խնդիրներին: Որպես գործակցության առաջին քայլ՝ հիմնադրամը նախարարությանը 10-ը Նիվա ավտոմեքենա է նվիրաբերել: «Մեր բնությունը մեր հարստությունն է»,-ասել է Գագիկ Ծառուկյանը՝ հայտարարելով, որ այն պահպանելու գործում պատրաստ է ներդնել ոչ միայն տեխնիկական և ֆինանսական միջոցներ, այլև ներգրավվել մարդկանց, որոնք օժտված կլինեն մասնագիտական գիտելիքներով ու անհրաժեշտ փորձով:
Կոնտակտներ
Մեր հասցեն.
ՀՀ, 0036, Երևան Ալիխանյան եղբայրների փող., 2 շենք (Աջափնյակ վարչ. շրջան)
Լրահավաք հեռախոս.
+374 10 39 10 39
Էլ.փոստ.
epikentron@kentron.tv
info@kentron.tv