Ազատության Հրապարակում տեղի է ունեցել ոչ իշխանական երեք կուսակցությունների՝ "Բարգավաճ Հայաստանի", "Հայ Ազգային Կոնգրեսի" և "ժառանգության" հրավիրած համապետական հանրահավաքը, որին մասնակցել են տասնյակ հազարավոր քաղաքացիներ Հայաստանի բոլոր մարզերից: Հանրահավաքի ժամանակ ելույթներ են ունեցել նաև ոչ իշխանական ուժերի առաջնորդները՝ ԲՀԿ նախագահ Գագիկ Ծառուկյանը, ՀԱԿ առաջնորդ Լևոն Տեր-Պետրոսյանը և "Ժառանգություն" կուսակցության նախագահ Րաֆֆի Հովհաննիսյանը: Հանրահավաքն ավարտվել է հուժկու երթով, որի մասնակիցները ՙմիացում՚ և ՙհաղթանակ՚ վանկարկումներով Ազատության հրապարակից շարժվել են Մաշտոցի պողոտա, Կորյունի փողոց, այնուհետև Աբովյան, Սայաթ-Նովա, Հանրապետության, Թումանյան փողոցներով և վերադարձել Ազատության հրապարակ:

Այսօր Ազատության Հրապարակում տեղի է ունեցել ոչ իշխանական երեք կուսակցությունների՝ "Բարգավաճ Հայաստանի", "Հայ Ազգային Կոնգրեսի" և "ժառանգության" հրավիրած համապետական հանրահավաքը, որին մասնակցել են տասնյակ հազարավոր քաղաքացիներ Հայաստանի բոլոր մարզերից: Հանրահավաքի ժամանակ ելույթներ են ունեցել նաև ոչ իշխանական ուժերի առաջնորդները՝ ԲՀԿ նախագահ Գագիկ Ծառուկյանը, ՀԱԿ առաջնորդ Լևոն Տեր-Պետրոսյանը և "Ժառանգություն" կուսակցության նախագահ Րաֆֆի Հովհաննիսյանը: Հանրահավաքի սկզբում շեշտվել է, որ հանրահավաքի անցկացման օրը՝ հոկտեմբերի 10-ը, որևէ կապ չունի Հայաստանի Եվրասիական տնտեսaկան միությանն անդամագրվելու հնարավոր օրվա հետ և հանրահավաքը ուղղված չէ ոչ Ռուսաստանի, ոչ Արևմուտքի դեմ: "Մենք ավելի շատ ունենք ներքաղաքական խնդիրներ և այն օրակարգը, որը այսօր այստեղ համախմբել է մեզ, հուզում է բոլորիս”, - հայտարարել է հանրահավաքը վարող ԲՀԿ-ական պատգամավոր Տիգրան Ուրիխանյանը՝ ժողովրդին ներկայացնելով քառյակի ամռանը ներկայացրած 12 կետերի վերաբերյալ ամփոփ գնահատականը : ԲՀԿ նախագահ Գագիկ Ծառուկյանը ողջունելով հանրահավաքի տասնայակ հազարավոր քաղաքացիներին հայտարարել է, որ հպարտ է ժողովրդի կողքին կանգնած լինելու համար: Նշելով, որ առավել ծավալուն ելույթ կունենա հաջորդ հանրահավաքի ժամանակ, ԲՀԿ առաջնորդն ասել է՝ “Սիրելի ժողովուրդ, հաջողությունը հենց այնպես չի տրվում, հաջողությունը երկար պայքար է, դուք պատրաստ ե՞ք այդ պայքարին՝ լսելով ժողովրդի ԱՅՈ բացականչությունը, Գագիկ Ծառուկյանն ավելացրել է, որ ինքն էլ պատրաստ է պայքարի, պատրաստ է ժողովրդի կողքին լինել:  Հաջողության հասնելու համար պետք է գործենք միասնաբար, ազգովին”, - հայտարարել է ԲՀԿ նախագահ Գագիկ Ծառուկյանը: Ժառանգության առաջնորդ Րաֆֆի Հովհաննիսյանը կարևոր է համարել հանգամանքը, որ հանրահավաքին որևէ կուսակցական դրոշ չկա, միայն եռագույններ են: ՞Շնորհակալ եմ հարթակում կանգնած բոլոր ուժերին, ովքեր հաղթահարեցին ամեն տեսակ անհամաձայնություններ և միացան, շնորհակալություն նաև նրանց, որոնք դեռ միանալու են՝ հայտարարել է Ժառանգության առաջնորդը՞: Հանրահավաքում վերջինը ելույթ է ունեցել ՀԱԿ առաջնորդ, Հայաստանի առաջին նախագահ Լևոն Տեր-Պետրոսյանը: Հայաստանի ներքաղաքական վիճակին առնչվող մի մի քանի արժեքավոր արձանագրումներ անելով՝ Տեր Պետրոսյանը հայտարարել է՝ մենք այլեւս մանր մունր հարցերով զբաղվելու իրավունք չունենք, քանի որ ակնհայտ է, որ ինչպես ներքին, այնպես էլ արտաքին քաղաքականության հետ կապված մանր թե մեծ, բոլոր ցավոտ խնդիրների արմատը վարչախմբի հանցավոր էությունն ու լիակատար արատավորությունն է։ Հետեւաբար այդ խնդիրները պահանջում են ոչ թե մասնակի, այլ համակարգային լուծումներ: Հանրահավաքին ելույթ են ունեցել նաև երեք ոչ իշխանական կուսակցությունների խորհրդարական խմբակցությունների անդամները, արտախորհրդարանական ուժերի ներկայացուցիչները, հնչել են հասարակության տարբեր շերտերի՝ փոքր ձեռնարկատերերի, տաքսիստների, ազատամարտիկների շահերը պաշտպանող հայտարարություններ: Հաջորդ հանրահավաքի օրը կհայտարարվի առաջիկա օրերի ընթացքում:

Եվս մեկ անդրադարձ Միջազգային օլիմպիական կոմիտեի և Եվրոպայի օլիմպիական կոմիտեի նախագահների հայաստանյան այցի մանրամասներին: Այսօր պատվիրակության անդամները հագեցած գրաֆիկով մի շարք միջոցառումների և հանդիպումների են մասնակցել:

"Եթե հանրությունը գտնի, որ իմ կարիքը կա, ես պատրաստ եմ լինել նախագահի թեկնածու": Այսօր Միջազգային օլիմպիական կոմիտեի նախագահ Թոմաս Բախի հետ համատեղ ասուլիսի ժամանակ հայտարարել է Գագիկ Ծառուկյանը, ով թեպետ լրագրողներին հորդորել է տալ միայն սպորտին վերաբերող հարցեր, սակայն այնուամենայնիվ հնարավոր չի եղել խուսափել քաղաքականությանը վերաբերող հարցերից: Նախ ԲՀԿ առաջնորդ Գագիկ Ծառուկյանը ևս մեկ անգամ հաստատեց, որ վաղը` հոկտեմբերի 10-ին, անպայման լինելու է Ազատության հրապարակում, մասնակցելու է ոչ իշխանական եռյակի համապետական հանրահավաքին և կանգնելու է ժողովրդի կողքին: Լրագորղներին նաև  հետաքրքրել է՝  նաև թե  ինչու է երեկ Գագիկ Ծառուկյանը բարձրաստիճան հյուրերին ուղեկցել նախագահական նստավայր՝  տեղիք տալով որոշ տարակարծությունների:  Չի շրջանցվել նաև առաջիկայում Գագիկ Ծառուկյանի՝ որպես ՀՀ նախագահի թեկնածու առաջադրվելու մասին հարցը:

Շարունակվում է միջազգային օլիմպիական կոմիտեի և Եվրոպայի օլիմպիական կոմիտեի նախագահների այցը Հայաստան: Բարձրաստիճան հյուրերն այսօր մասնակցել են  հայաստանցի առաջին օլիմպիական չեմպիոն Հրանտ Շահինյանի հուշարձանի բացման հանդիսավոր արարողությանը: Այնուհետ Թոմաս Բախն ու Պատրիկ Հիկեն Գագիկ Ծառուկյանի ուղեկցությամբ  եղել են Դավթաշենում կառուցվող օլիմպիական ավանում: Հայաստանի ազգային օլիմպիական կոմիտեի նախագահը համաշխարհային սպորտի ղեկավարներին ներկայացրել է օլիմպ ավանի ենթակառուցվածքները: Այնուհետև կողմերը փակ քննարկում են անցկացրել, որից հետո հանդիպել են լրագրողների հետ: Մարզական լրագրողներին առավելապես մի հարց էր հուզում Հայաստանի պատվիրակությունը մասնակցելու է արդյոք հաջորդ տարի Բաքվում կայանալիք եվրոպական անդրանիկ խաղերին: Այս հարցի վերաբերյալ նախ իր տեսակետն է հայտնել Գագիկ Ծառուկյանը:

"Մայդանի այլընտրանքը  չպետք է լինի լճացումը: Հայաստանի բնակիչներն ուզում են փոփոխություններ տեսնել իրենց կյանքում, և դա ոչ մի կապ չունի ո՛չ Ռուսաստանի, ո՛չ Արևմուտքի հետ",-  Նեզավիսիմայա Գազետային տված բացառիկ հարցազրույցում ասել է ԲՀԿ նախագահ Գագիկ Ծառուկյանը:  "ԲՀԿ նախագահը չէր կարող անտարբեր մնալ իր ժողովրդի նկատմամբ: Հայաստանը Ռուսաստանի Դաշնության ռազմավարական գործընկերն է Հարավային Կովկասում: Վերջերս   այս երկրում անհանգիստ է,  հաճախացել են հանրահավաքներն ու բողոքի ակցիաները՝  տարբեր պահանջներով",- գրել է պարբերականը: Այն մասին, թե ինչ է կատարվում երկրում, Նեզավիսիմայա Գազետային  բացառիկ հարցազրույցում պատմել է Բարգավաճ Հայաստան կուսակցության ղեկավար, հանրապետության խոշորագույն գործարար Գագիկ Ծառուկյանը: