ԲՀԿ նախագահ Գագիկ Ծառուկյանը հանդես է եկել ծավալուն հայտարարությամբ, որում անդրադարձել է երկրի առջև ծառացած մարտահրավերներին, համաճարակային իրավիճակին, իր դեմ իշխանության սկսած արշավին: «Ասում են, որ իշխանությունը վախենում է Ծառուկյանից և դրա համար է նրա դեմ սկսվել արշավ: Ծառուկյանից վախենալ պետք չէ, պետք է վախենալ առանց աշխատանք, առանց աշխատավարձ մնացած հարյուր հազարավոր մարդկանցից»,- նշել է Գագիկ Ծառուկյանը: Նա հայտնել է, որ առողջանալուց հետո մեծ ասուլիս է հրավիրելու և ընդգծել՝ «Կան շատ հարցեր, որոնք անպայման պետք է ստանան իրենց պատասխանները։ Ինձ հետ կապված ոչ մի հարց անպատասխան չպետք է մնա»: ԲՀԿ նախագահը ասել է նաև, թե որոնք են լինելու իր հետագա քայերը: