Հայաստանը գեղեցիկ վերջակետ է դրել ծանրամարտի աշխարհի առաջնությունում: Մրցումային վերջին օրը մեր ծանրորդներից պատվո հարթակ են բարձրացել գերծանր քաշայիններ Գոռ Մինայսանն ու Ռուբեն Ալեքսանյանը: Մինասյանը երկամարտի 460 կիլոգրամ արդյունքով դարձել է աշխարհի փոխչեմպիոն, իսկ Ալեքսանյանը 437 կգ արդյունքով նվաճել է բրոնզե մեդալ: Ընդհանուր առմամբ աշխարհի առաջնությունում Հայստանը նվաճել է 12 մեդալ, որից 5-ը՝ ամենաբարձր հարգի:
«Մենք չենք կարող այս ամբիցիոզ ծրագիրը կյանքի կոչել, եթե չլինի բոլորի մասնակցությունը»,- դատական բարեփոխումներին նվիրված համաժողովում հայտարարել է Արդարադատության նախարարը: Իր ելույթում Ռուստամ Բադասյանն ուղերձով դիմել է դատավորներին: Արդեն լրագրողների հետ զրույցում նախարարը հերքել է ԱԱԾ տնօրեն նշանակվելու մասին լուրերը: ՍԴ-ի շուրջ ստեղծված իրավիճակի մասին էլ խոսել է դատարանի անդամ Ալվինա Գյուլումյանը: Նա նաև անդրադարձել է հարցին, թե կա՞ արդյոք ճնշում ՍԴ անդամների վրա:
Մեկ շաբաթից ավելի է՝ Լարսի անցակետում հարյուրավոր բեռնատարների հերթ է գոյացել: Փոխադրողները բարձրաձայնում են՝ անելանելի վիճակում են հայտնվել, բեռը բարձել, հասել են սահման, պարզվել է՝ Ռուսաստանում գործող օրենքի նորմից ավելի է: Գերբեռնվածության համար ռուսական կողմին պետք է բարձր տուգանքներ վճարեն,որ կարողանան անցնել սահմանը: Խնդրին ծանոթացել է Հայկ Նավասարդյանը:
Մեղրի խոշորացված համայնքում մեկնարկել են գազիֆիկացման աշխատանքները: Ի տարբերություն Հայաստանի գրեթե բոլոր համայքների՝ Մեղրին անգամ խորհրդային տարիներին գազ չի ունեցել: Ազգային ժողովի Տարածաշրջանային և եվրասիական ինտեգրման հարցերի մշտական հանձնաժողովի արտագնա նիստի ընթացքում Մեղրիի բնակիչներն ու համայնքապետը խնդրել էին պատգամավորներին հարցին լուծում գտնել: Դրանից մի քանի օր անց հանձնաժողովի նախագահ Միքայել Մելքումյանը հարցն ուղղել է անձամբ վարչապետին: Գազաֆիկացման աշխատանքները մեկնարկել են հենց հաջորդ օրը:
Նյու Յորքում աշխարհի ամենահեղինակավոր ամբիոնից Հայաստանի վարչապետը ձևակերպեց մեր երկրի քաղաքական օրակարգը: ՄԱԿ-ի գլխավոր ասամբլեայի նստաշրջանում Հայաստանի ներքաղաքական հիմնախնդիրներից անցում կատարելով Արցախյան հակամարտությանը՝ Նիկոլ Փաշինյանը ուղերձ հղեց ինչպես աշխարհին, այնպես էլ կոնկրետ Ադրբեջանի ղեկավարին. հակամարտության լուծումը պետք է ընդունելի լինի երեք կողմերի համար: Վարչապետի նյույորքյան ելույթի տողատակերը բացել են հայ փորձագետները:
ԵՊՀ 100-ամյակին նվիրված միջոցառումների շրջանակում կրթության ոլորտում առկա խնդիրները ներկայացնելու, խնդիրների լուծման եղանակներ որոնելու նպատակով Երևանի պետական համալսարանում տեղի է ունեցել «Բարձրագույն կրթությունը, հետազոտությունը և նորարարությունը 21-րդ դարում» խորագրով միջազգային խորհրդաժողովը: Միջոցառմանը մասնակցել է արտերկրից ժամանած ավելի քան ութսուն հյուր:
Արցախում շարունակվում են ռազմավարական զորավարժությունները: Հայկական երկրորդ պետության պաշտպանական գերատեսչությունը, պահեստազորի ներգրավմամբ, խաղարկում է պաշտպանական ու հարձակողական սցենարով պատերազմին հնարավորինս մոտ գործողություններ: Աշխարհի առաջնորդներն էլ այս օրերին ՄԱԿ –ի կենտրոնակայանում ներկայացնում են երկրների զարգացման սեփական տեսլականն ու օրակարգը: Տարածաշրջանն ապակայունացնող հարևան պետությունում բաց չեն թողնում առաջնագծում իրավիճակը սրելու փորձերը: Ի՞նչ նպատակներ է հետապնդում հակառակորդը և ինչու՞ է խնամքով թաքցնում ևս մեկ սպանված զինծառայողի մասին տեղեկությունը:
ԲՀԿ ուսանողական խորհրդի նախաձեռնությամբ անցկացվել է «Կանանց ներգրավվածությունը աշխատաշուկայում բուհական և հետբուհական տարիներին» խորագրով կոնֆերանս, որին մասնակցել են ԲՀԿ կանանց խորհրդի պատվավոր նախագահ Ռոզա Ծառուկյանը և ԲՀԿ խմբակցության կին պատգամավորները: Մոտ երկու ժամ տևած քննարկմանը Ռոզա Ծառուկյանը կոչ է արել լինել առավել ակտիվ և հանդես գալ մեր երկրի զարգացմանն ուղղված տարբեր նախաձեռնություններով: Կոնֆերանսի մասնակիցները նաև իրենց հետաքրքրող հարցերն են ուղղել Ռոզա Ծառուկյանին և պատգամավորներին: Համազգային մեծ ավանդի և բազմամյա վաստակաշատ գործունեության համար ԲՀԿ ուսանողական խորհուրդը «Տարվա նվիրյալ կին» անվանակարգում մրցանակ է շնորհել Ռոզա Ծառուկյանին:
ԲՀԿ ուսանողական խորհրդի նախաձեռնությամբ անցկացվել է «Կանանց ներգրավվածությունը աշխատաշուկայում բուհական և հետբուհական տարիներին» խորագրով կոնֆերանս, որին մասնակցել են ԲՀԿ կանանց խորհրդի պատվավոր նախագահ Ռոզա Ծառուկյանը և ԲՀԿ խմբակցության կին պատգամավորները: Մոտ երկու ժամ տևած քննարկմանը Ռոզա Ծառուկյանը կոչ է արել լինել առավել ակտիվ և հանդես գալ մեր երկրի զարգացմանն ուղղված տարբեր նախաձեռնություններով: Կոնֆերանսի մասնակիցները նաև իրենց հետաքրքրող հարցերն են ուղղել Ռոզա Ծառուկյանին և պատգամավորներին: Համազգային մեծ ավանդի և բազմամյա վաստակաշատ գործունեության համար ԲՀԿ ուսանողական խորհուրդը «Տարվա նվիրյալ կին» անվանակարգում մրցանակ է շնորհել Ռոզա Ծառուկյանին:
Մեր հասցեն.
ՀՀ, 0036, Երևան Ալիխանյան եղբայրների փող., 2 շենք (Աջափնյակ վարչ. շրջան)
Լրահավաք հեռախոս.
+374 10 39 10 39
Էլ.փոստ.
info@kentron.tv