Նախօրեին ԲՀԿ նախագահ Գագիկ Ծառուկյանը, պատասխանելով << Էպիկենտրոնի>> հարցերին, անդրադարձել է Աստանում ավարտված ՀԱՊԿ Հավաքական անվտանգության խորհրդի նիստին և խոսել հայ-ռուսական հարաբերությունների մասին: ԲՀԿ նախագահն ասել է, որ ռազմավարական դաշնակից երկու երկրների միջև հարաբերությունները պետք է ավելի ամրապնդել, զարգացնել և ընդլայնել, քանի որ դրանից շահելու են երկու պետություններն ու ժողովուրդները: Գագիկ Ծառուկյանն նշել է նաև, որ հայ-ռուսական հարաբերություններում առկա է տնտեսական հզոր ներուժ, որը պետք է լիարժեք օգտագործել:
Արագածոտնի մարզի Արագած գյուղի բնակիչները մի քանի օր է բողոքում են Գեղարոտ գետի վրա կառուցված երկու Հէկ-երի գործունեությունից: Նրանք պահանջում են քանդել 7 գյուղի գլխին պատուհաս դարձած Հէկ-երը: Գյուղացիները պնդում են, որ 2007թ-ին, Հէկ-երը կառուցելուց հետո, գետն աղտոտվել է և խմելու ջուրն այլևս ոռոգման համար պիտանի չէ: Ծառերն ու մշակաբույսերը չորացել են, գետի կենդանական աշխարհն ամբողջությամբ վերացել է, ստացված բերքն էլ շատ քիչ է ու վարակված: Արագածոտնի մարզի ամենամեծ գյուղի բնակիչների ահազանգով մեր նկարահանող խումբը եղել է Արագած գյուղում, լսել գյուղացիների բողոքը:
Կդառնա՞ն արդյոք ID քարտերը գնումների գործիք: Պետեկամուտների կոմիտեն նման օրինագիծ է մշակել 2020 թվականի համար: Եթե այն հաստատվի և տեղի ունենան Հարկային օրենսգրքի փոփոխությունները, ID քարտերը նաև կուտակիչներ կդառնան: Առաջին տարում օգտվողին կվերադառնա գնումների 1 տոկոսը, երկրորդում՝ երկու, երրորդ տարում՝ երեք տոկոսը: «ID քարտերով հարկման՝ ՊԵԿ նախաձեռնած մեթոդը լավագույն միջոցը չէ եւ բազմաթիվ ռիսկեր է պարունակում»,-նշել է տնտեսագետ Արմեն Գրիգորյանը: Նրա խոսքով՝ դեռ հայտնի չէ, թե ինչ տեխնիկական միջոցներ են կիրառվելու։ Տնտեսագետն ու մեր համաքաղաքացիները խոսել են նախագծի լավ ու վատ կողմերի մասին:
Օրեր առաջ Քուբաթլուից Գորիս վերադառնալիս, զինվորական մեքենայի վթարի հետևանքով զոհված տղաներից մեկի՝ Հայրապետ Նարինյանի ընտանիքի անդամները պատրաստվում են բողոքել: Ասում են՝ իրենց որդին անսարք մեքենայի պատճառով է մահացել: 20 –ամյա երիտասարդի հարազատներն այսօր մանրամասներ են պատմել «Էպիկենտրոն»-ին չարաբաստիկ վթարի մասին: Հիշեցնենք՝ նոյեմբերի 7-ին ԶՈՒ «Կամազ» մակնիշի ավտոմեքենան Որոտան-Խնձորեսկ ավտոճանապարհի 5-րդ կմ-ի հատվածում դուրս է եկել ճանապարհի երթևեկելի մասից և գլորվել ձորը: Վթարի հետևանքով մահացել է 4 զինծառայող, 22 էլ հոսպիտալացված են՝ մարմնական տարբեր աստիճանի վնասվածքներով:
Խաչատուր Քոքոբելյանի ղեկավարած «Ազատ դեմոկրատներ» կուսակցությունն ու Արամ Զավենի Սարգսյանի գլխավորած «Հանրապետություն» կուսակցությունը միացել են և ստեղծում են «Մենք» դաշինքը՝ Ազգային Ժողովի արտահերթ ընտրությանը մասնակցելու նպատակով: Նրանք այսօր ստորագրել են Համագործակցության հուշագիր: «Մենք» դաշինքը լինելու է արեւմտյան արժեքների ջատագով, սակայն դա չի նշանակում, թե իրենք դեմ են Ռուսաստանի հետ Հայաստանի գործակցությանը»,-ասել է Արամ Սարգսյանը:
«Բարգավաճ Հայաստան» կուսակցության Կանանց խորհրդի նախաձեռնությամբ Աբովյանի ուսանողական խորհրդի անդամներն այցելել են Գյումրի: Նպատակը հանրապետության երկրորդ քաղաքի հոգևոր-մշակութային կյանքին ավելի մոտիկից ծանոթանալն էր: Երիտասարդներն Ազգային Ժողովի Ծառուկյան խմբակցության պատգամավորների հետ նաև հարգանքի տուրք են մատուցել ապրիլյան քառօրյա պատերազմում զոհված գյումրեցի հերոսների հիշատակին: Գյումրիում է եղել նաև Էպիկենտրոնի նկարահանող խումբը:
Մեր հասցեն.
ՀՀ, 0036, Երևան Ալիխանյան եղբայրների փող., 2 շենք (Աջափնյակ վարչ. շրջան)
Լրահավաք հեռախոս.
+374 10 39 10 39
Էլ.փոստ.
info@kentron.tv