Դատավոր Դավիթ Բալայանի նախագահությամբ, Երևանի ընդհանուր իրավասությունների դատարանի Շենգավիթի նստավայրում շարունակվել է Դավիթ Սանասարյանի և մյուսների գործով դատական նիստը: Հետազոտվել են գործում առկա փաստաթղթերը: Հրապարակվել են նաև Դավիթ Սանասարյանի առնչությամբ ԱԱԾ-ի իրականացրած օպերատիվ միջոցառումները: Դատարանում այսօր մանրամասներ են հրապարակվել ԱՆ Արսեն Թորոսյանի և Դավիթ Սանասարյանի նամակագրությունից: Սանասարյանն էլ մեկնաբանել է կոռուպցիայի կանխարգելման հանձնաժողովի կողմից Արսեն Թորոսյանի նկատմամբ հարուցած վարույթի փաստը:
Արցախից երեկ մարդասիրական օգնությամբ ինքնաթիռ է ուղարկվել Լիբանան: Աջակցությունը պարենամթերքի տեսքով է: Մինչև այդ էլ Հայաստանն էր դեղորայք և առողջապահական պարագաներ ուղարկել: Լիբանանում հայրենիքի օգնությունը շատ են կարևորում, միաժամանակ նաև նշում՝ Հայաստանի սոցիալ-տնտեսական բարդ իրավիճակի պատճառով է, որ բեյրութահայերը չեն շտապում հայրենիք վերադառնալ: Անօթևան մնացած մեր հայրենակիցների կացության հարցը հոգացել է Բեյրութի քաղաքապետարանը: Ողբերգական պայթյունի հետևանքով զոհվածների ու վիրավորվածների համար Հայաստանում և Լիբանանում պատարագ են մատուցել Հայոց երկու կաթողիկոսները:
Սևրի պայմանագրի ստորագրման 100-ամյակի առթիվ Գիտությունների ազգային ակադեմիայում տեղի է ունեցել հոբելյանական գիտաժողով: Ակադեմիկոսները քննարկել են պայմանագրի մեկդարյա փիլիսոփայությունն ու կարևոր շատ կետեր չիրագործելու պատճառները: Գիտաժողովի անդամները նաև ներկայացրել են լուծումներ՝ Սևրի պայմանագիրը, այսպես կոչված, ապրեցնելու համար:
Նախկին ոստիկանապետ Վլադիմիր Գասպարյանի կողմից «Ազատություն» ռ/կ լրագրողների աշխատանքը խոչընդոտելու համար հարուցվել է քրեական գործ: Դատարանը բավարարել է ՀՀԿ-ակական նախկին պատգամավոր Լևոն Սարգսյանի խափանման միջոց կալանավորման միջնորդությունը: Իսկ ահա Հանրային ծառայությունները կարգավորող հանձնաժողովի նախկին նախագահ Ռոբերտ Նազարյանը չի կալանավորվել: Զոլաքարի համայնքապետարանում չարաշահումներ են բացահայտվել, իսկ Սևանում՝ ապօրինի ձկնագողություն: Օրվա քրեական նորությունները՝ տեսաշարով:
Հանգստյան օրերին իրավիճակը անհանգիստ է եղել Ախալքալաքում: 27-ամյա երիտասարդի սպանությանը հաջորդել է մոտ հարյուր մարդու մասնակցությամբ դաժան վենդետան: Սպանված երիտասարդի ընկերներն ու հարազատները կոտրել են երիտասարդի սպանության մեջ մեղադրվող Արթուր Գաբրիելյանի հյուրանոցի դռներն ու պատուհանները, ապա այրել հյուրանոցն ու նրա տունը: Ընդհանուր առմամբ հրկիզվել է 4 տուն: Կան վիրավորներ: Հետաքննությունը պարզել է, որ Գաբրիելյանը վեճի ընթացքում հրազենից արձակած կրակոցից մահացու վիրավորում է հասցրել 1993 թվականին ծնված Վարդիկ Մարաբյանին: Դրամատիկ իրադարձությունների վերաբերյալ «Էպիկենտրոն»-ը զրուցել է Ախալքալաքի քաղաքապետ Յուրիկ Ունանյանի հետ:
Մեր հասցեն.
ՀՀ, 0036, Երևան Ալիխանյան եղբայրների փող., 2 շենք (Աջափնյակ վարչ. շրջան)
Լրահավաք հեռախոս.
+374 10 39 10 39
Էլ.փոստ.
info@kentron.tv