«Անմիջապես Շուշիի մերձակայքում ծանր մարտերը շարունակվում են»,- րոպեներ առաջ գրել է Արծրուն Հովհաննիսյանը:Նա այսօր մի քանի գրառում է կատարել Արցախում տիրող իրավիճակի վերաբերյալ:«Ծանր մարտեր են ընթանում, հյուսիսում, Մարտունու ուղղությամբ, Շուշիից հարավ մեր զորքերը հաջողություններ ունեն»,-գրել է ՊՆ ներկայացուցիչը՝ ընդգծելով.այսքանից հետո եթե մի տեղ էլ բարդ է իրավիճակը ապա դա չի նշանակում, որ ոմանք աղմուկ պիտի բարձրացնեն: Բերձորի ուղղությամբ առաջնագծի Արփագյադուկ գյուղի մոտակայքում հայակկան ուժերը գրավել են ռազմական նշանակության կարևոր բարձունք: Օրվա ընթացքում Ստեփանակերտն ու Շուշին ծանր հարվածներ են ստացել: Արցախի մայրաքաղաքում անվտանգային միջոցառումներ են իրականացվել:

Էմանուել Մակրոնն ու Վլադիմիր Պուտինն այսօր քննարկել են Ղարաբաղի հարցը: Նախագահները լուրջ մտահոգություն են արտահայտվել հակամարտության գոտում շարունակվող լայնամասշտաբ բախումների և դրանում Սիրիայից և Լիբիայից ժամանող ծայրահեղականների ավելի ակտիվ ներգրավման վերաբերյալ: Ֆրանսիացի երեք տասնյակից ավելի պատգամավորներ էլ կոչ են արել երկրի նախագահին՝ հրաժարվել չեզոքությունից և ճանաչել Արցախի անկախությունը:

Մինչև Թեհրանը կրկին ընդգծում է՝ ծայրահեղական խմբավորումների մուտքը Լեռնային Ղարաբաղի հակամարտության գոտի սպառնալիք է ամբողջ տարածաշրջանի համար, ադրբեջանցի պատգամավորը Իրանի հոգևոր առաջնորդին մեղադրում է ահաբեկիչների տարանցումն ապահովելու համար: Այս հայտարարության պատճառով Թեհրանը կարող է բողոքի նոտա հղել Բաքվին: Թուրքիայի մեջլիսի պատգամավորն էլ Ֆրանսիան ավազակապետություն է անվանել՝ մահմեդականների շուրջ ծավալվող իրադարձությունների ֆոնին:

Հայրենիքին ծառայելու համար տարիքը խոչընդոտ չի կարող լինել: Սա իրենց նախաձեռնությամբ ապացուցում են նաև առաջնագծի ամրությանը նպաստող երեխաները: 11-ամյա Արշակն արդեն հասցրել է մի քանի տասնյակ գիրք վաճառել: Ամբողջ հասույթն այժմ համահայկական հիմնադրամի հաշվեկշռին է:

Պատերազմի օրերին շատ արագ տարածվեց մի լուսանկար, որն արված էր Շուշիի սուրբ Ղազանչեցոց եկեղեցու բակում:Կադրում երեք ժպտացող տղաներ էին: Նրանցից ավագը մի քանի օր առաջ Երևան է եկել:«Էպիկենտրոն»-ը հանդիպել է տղայի հետ:Զրույցը հաջողվել է միայն Արսենի պայմանը կատարելուց հետո:

Ֆրանսիացի երեք տասնյակից ավելի պատգամավորներ Արցախի ճանաչման համար նամակով դիմել են երկրի նախագահին: Խորհրդարանականները Էմանուել Մակրոնին կոչ են անում հրաժարվել չեզոքությունից:Ֆրանսիայի Կորսիկա երկրամասի ասամբլեան ընդունել է Արցախի ճանաչման մասին բանաձև: Իսպանական Կորունյա քաղաքն էլ դատապարտել է ադրբեջանա-թուրքական ագրեսիան՝ընդդեմ Արցախի: Ուշագրավ զարգացումներ են տեղի ունենում նաև օվկիանոսի մյուս ափում:Ամերիկահայերի ճնշման ներքո՝ լոբբիստական հայտնի ընկերությունը խզել է կապերը Թուրքիայի հետ: