«Ոչ մի դրական պատասխան». անհետ կորածների ծնողները դժգոհ մնացին նախարարի հետ հանդիպումից
Անհետ կորած զինծառայողների ծնողները կրկին Պաշտպանության նախարարի մոտ են: Պահանջը նույնն է՝ հստակ տեղեկություն իրենց որդիների գտնվելու վայրի ու կարգավիճակի մասին: Արդեն 5 ամիս է, ինչ ամեն օր թակում են պատկան կառույցների դռները, սակայն մինչև այսօր ոչ մի արդյունք: Հարազատներն ասել են, որ բազմաթիվ հարցեր ունեն գլխավոր շտաբի պետին և Պաշտպանության նախարարին: Նրանցից 5-ին այսօր հաջողվել է հանդիպել Վաղարշակ Հարությունյանի հետ:
«Բանակը հզորացնելու ժամանակն է». մեկնարկել է ձմեռային զորակոչը
«Էպիկենտրոն»-ի նկարահանող խումբը եղել է հանրապետական զինվորական հավաքակայանում: Չնայած համավարակով պայմանավորված՝ ծնողներին արգելված է եղել ներս մտնել, սակայն նրանք չեն շտապել հեռանալ հավաքակայանի բակից: Զորակոչիկների հարազատներն անկեղծացել են՝ հետպատերազմական իրավիճակում բանակ գնացող որդիների համար անհանգիստ են: Մտավախությունները կփարատվեն, եթե երկրում խաղաղություն լինի:
Մոտ 12000 երեխա սպասում է մանկապարտեզ գնալու իր հերթին. ծնողների ակցիան քաղաքապետարանի մոտ
Բողոքի ակցիա քաղաքապետարանի մոտ: Երեխաներին մանկապարտեզ ընդունելու համար ծնողները հաճախ ստիպված են լինում տարիներով սպասել: Կորոնավիրուսով պայմանավորված՝ հերթում գտնվողների թիվը զգալիորեն աճել է: Ըստ ծնողների՝ մոտ 12.000 երեխա այս պահին հերթագրված է մանկապարտեզ գնալու համար:
«Արտահերթ ընտրություններ լինելու են». ընդդիմությունն արձագանքում է «Իմ քայլ»-ի հայտարարությանը
Իշխանությունն արտահերթ ընտրությունների անցկացման հանրային պահանջ չի տեսնում, քանի որ խորհրդարանական և արտախորհրդարանական ընդդիմության մեծամասնությունը նման պահանջ չի ձևակերպել: Այս մասին լրագրողների հետ ճեպազրույցում ասել է Լիլիթ Մակունցը: «Բարգավաճ Հայաստան» խմբակցության քարտուղարն այդ հայտարարությունը որակել է զավեշտալի, իսկ «Լուսավոր Հայաստան» խմբակցության ղեկավարը՝ մանիպուլյատիվ: Էդմոն Մարուքյանը հորդորել է լուրջ չվերաբերվել իշխանության հայտարարություններին և վստահություն հայտնել, որ արտահերթ ընտրություններ լինելու են:
«Ազատություն Վահան Բադասյանին». քաղաքացիները բողոքի ակցիա են արել գլխավոր դատախազության մոտ
Արցախի «Միացյալ Հայաստան» կուսակցության նախագահ, ազատամարտիկ Վահան Բադասյանին ազատ արձակելու պահանջով գլխավոր դատախազության մոտ բողոքի ակցիա է անցկացվել: Մասնակիցները պնդել են, որ Բադասյանին ազատությունից զրկելը քաղաքական հետապնդում է: Հիշեցնենք՝ ԱԱԾ-ն Բադասյանին բերման էր ենթարկել հունվարի 28-ին՝ Եռաբլուրում Նիկոլ Փաշինյանին ուղղված սպառնալիք պարունակող հայտարարության համար: Իսկ հունվարի 30-ին դատարանը բավարարել էր նրան կալանավորելու միջնորդությունը:
«Ես կդիմեմ դատարան». Աբովյանի թիվ 1 դպրոցի տնօրենը հերքում է իր հասցեին հնչող մեղադրանքները
Աբովյանի թիվ 1 ավագ դպրոցում բողոքի ակցիաները չեն դադարում: Դպրոցի աշխատակազմն ու աշակերտները շարունակում են պահանջել նոր տնօրենի հեռացումը՝ պնդելով, որ նրա նշանակումը հովանավորչության արդյունք է: Քարմիլե Առաքելյանն այսօր վերջապես պատասխանել է «Էպիկենտրոն»-ի հարցերին: Նա հերքել է իր հասցեին հնչող մեղադրանքները, ասել, որ չի ճանաչում կառավարման խորհրդում ընդգրկված անձանց: Առաքելյանը նաև հայտարարել է՝ տնօրենի պաշտոնից հրաժարվել չի պատրաստվում:
Քոչարյանը Մոսկվայում հանդիպե՞լ է Պուտինի հետ. ՀՀ-ում ՌԴ դեսպանի մեկնաբանությունը
«Արվում է առավելագույնը հայ գերիներին վերադարձնելու համար»,- այսօր լրագրողներին ասել է Հայաստանում Ռուսաստանի դեսպանը: Սերգեյ Կոպիրկինի խոսքով՝ առանցքային այս հարցով անձամբ զբաղվում են Ռուսաստանի նախագահը, արտգործնախարարն ու պաշտպանության նախարարը: Դեսպանը նաև անդրադարձել է Հայաստանում արտահերթ ընտրություն անցկացնելու հարցին, պատմել, թե ինչ է քննարկել Հայաստանի նախկին նախագահների հետ իր վերջին հանդիպումների ժամանակ: