Ծանրամարտի Հայաստանի հավաքականներն այս օրերին ուսումնամարզական հավաք են անցկացնում օլիմպիական ավանում: Հավաքականի գլխավոր մարզիչ Փաշիկ Ալավերդյանի գլխավորությամբ մեր մարզիկները նախապատրաստվում են 2 կարևոր ստուգատեսի: Աշխարհի ամենաուժեղ մարզաձևի հայ չեմպիոնների մարզմանը հետևել է մեր մարզական մեկնաբան Արամ Մանուկյանը:

Արցախի հանրապետության բանակի Տիգրանակերտ զորավարժարանում առաջին անգամ կիրառվել են Արցախում թողարկված անօդաչու թռչող սարքեր: Այս մասին  ֆեյսբուքի իր էջում հայտնել է Արցախի պաշտպանության նախարարի մամուլի խոսնակ Սենոր Հասրաթյանը: Հայկական արտադրության անօդաչու թռչող սարքերն ունեն առաջադրված մարտական խնդիրը լիարժեք կատարելու բոլոր անհրաժեշտ չափորոշիչները: Սարքերը կիրառվել են հայկական երկրորդ հանրապետությունում ընթացող մարտական հրաձգությամբ ուղեկցվող գումարտակային մարտավարական զորավարժության ժամանակ:  

Փոքր մարմնում անսահման ազնվություն, մարդասիրություն ու մեծ հոգի. Աշխարհն այսօր դեպի հավերժություն է ճանապարհել Հայաստանի և Ֆրանսիայի ազգային հերոս Շառլ Ազնվուրին: Մեծանուն լեգենդի հուղարկավորության ծեսը կատարել է Ամենայն Հայոց կաթողիկոս Գարեգին երկրորդը« Փարիզի Սուրբ Հովհաննես Մկրտիչ առաջնորդանիստ եկեղեցում: Այնտեղ է եղել նաև վարչապետ Նիկոլ Փաշինյանը: Ազնավուրի ընտանիքի ցանկությամբ հուղարկավորությանը ծեսը չի նկարահանվել և չի լուսաբանվել: Զուգահեռ կարգին՝ մեր երկրում ուղիղ կեսօրին ղողանջել  են հայ առաքելական բոլոր եկեղեցիների զանգերը, մատուցվել է հոգեհանգստի կարգ: Հայաստանում և Արցախում հայտարարված է սգո օր, դրոշները խոնարված են, ամրացված են սև ժապավեններ: Ի՞նչ հոգևոր կապ է ունեցել մեծանուն լեգենդը Փարիզի Սուրբ Հովհաննես Մկրտիչ առաջնորդանիստ եկեղեցու հետ և ինչպե±ս են վերջին հրաժեշտը տվել Ազնավուրին նրա արվեստի երկրպագուները: