ՍԴ նախագահի և փոխնախագահի ընտրությունը հետաձգվեց. քննարկվել են տեխնիկական հարցեր
Չնայած սպասումներին՝ Սահմանադրական դատարանն այսօր այդպես էլ նախագահ և փոխնախագահ չի ընտրել: Ժամեր շարունակ տևած քննարկումից հետո նիստն ընդհատվել է աշխատանքային ժամի ավարտով պայմանավորված: ՍԴ դատավոր Էդգար Շաթիրյանը լրագրողներին ասել է, որ նիստը կշարունակվի վաղը՝ ժամը 11-ին՝ առանց լրագրողների ներկայության: Այսօր քննարկվել են մի քանի տեխնիկական հարցեր: ՍԴ դատավոր Հրայր Թովմասյանն էլ հրաժարվել է պատասխանել լրագրողների հարցերին՝ նշելով, որ ասելիք չունի:
ՍԴ-ն նոր կազմով կունենա՞ ավելի մեծ վստահություն
Սահմանադրական դատարանում այսօր դատարանի նախագահ և փոխնախագահ են ընտրում: ՍԴ 9 դատավորներից յուրաքանչյուրը կարող է ե՛ւ ինքնառաջադրվել, ե՛ւ առաջադրել այլ թեկնածուի: Սահմանադրական դատարանի կազմից նախագահ կարող է ընտրվել այն թեկնածուն, որը ստացել է դատավորների ընդհանուր թվի ձայների երկու երրորդը, որը կազմում է 6 ձայն։ Իսկ այն դեպքում, երբ առաջադրվել է մեկ թեկնածու, ընտրվում է դատավորների ընդհանուր թվի ձայների մեծամասնությամբ՝ 5 ձայնով: Ընտրության մեկնարկից ժամեր առաջ՝ ՍԴ անդամները զրուցել են լրագրողների հետ:
ՌԴ մեկնել ցանկացող քաղաքացիները որոշել են կառավարությունից չհեռանալ.նրանց մի մասը հացադուլ է անում
Ռուսաստան մեկնել ցանկացող քաղաքացիները որոշել են կառավարությունից չհեռանալ: Նրանց մի մասը հացադուլ է հայտարարել ու գիշերն էլ գործադիրի շենքի մոտ անցկացրել: Պնդում են՝ հացադուլի մեջ կմնան այնքան, քանի դեռ կառավարությունը հարցին լուծում չի տվել: Քաղաքացիներին այսօր ընդունել է վարչապետը:
Անշարժ գույքի շուկայում աշխուժություն կա.որքա՞ն են նվազել գները
«Չնայած համաճարակային իրավիճակին՝ անշարժ գույքի շուկայում աշխուժություն կա»,-արձանագրում է կադաստրի կոմիտեի նախագահ Սուրեն Թովմասյանը: Ըստ նրա՝ եթե համավարակը նոր թափ չառնի, ապա շուկան ավելի է կայունանալու: Վերջին ցուցանիշների համաձայն՝ մարզերում անհամեմատ աճ կա անշարժ գույքի ձեռքբերման առումով, սակայն Երևանում գործարքների նվազում է նկատվել:
«Մեծ միտինգ ենք անելու». Գ.Ծառուկյանը ջերմ ընդունելության է արժանացել Նոր Նորք վարչական շրջանում
«Բարգավաճ Հայաստան» կուսակցության նախագահ Գագիկ Ծառուկյանը շարունակում է թիմակիցների հետ հանդիպումների շարքը մարզերում և մայրաքաղաքում: Հերթական հանդիպումը Երևանի Նոր Նորք վարչական շրջանի ԲՀԿ տարածքային կազմակերպության ներկայացուցիչների և կուսակցության համակիրների հետ էր: ԲՀԿ ղեկավարն արժանացել է ջերմ ընդունելության: Իր ելույթում Գագիկ Ծառուկյանն անդրադարձել է երկրի և ժողովրդի առջև ծառացած հիմնական խնդիրներին. «Այսօր հարկավոր է, որ իշխանությունն ընդունի իր սխալները, կանգնի ժողովրդի կողքին և հուսախաբ չանի մարդկանց»,- հայտարարել է ԲՀԿ նախագահը :
«Մեծ միտինգ ենք անելու». Գ.Ծառուկյանը ջերմ ընդունելության է արժանացել Նոր Նորք վարչական շրջանում
«Բարգավաճ Հայաստան» կուսակցության նախագահ Գագիկ Ծառուկյանը շարունակում է թիմակիցների հետ հանդիպումների շարքը մարզերում և մայրաքաղաքում: Հերթական հանդիպումը Երևանի Նոր Նորք վարչական շրջանի ԲՀԿ տարածքային կազմակերպության ներկայացուցիչների և կուսակցության համակիրների հետ էր: ԲՀԿ ղեկավարն արժանացել է ջերմ ընդունելության: Իր ելույթում Գագիկ Ծառուկյանն անդրադարձել է երկրի և ժողովրդի առջև ծառացած հիմնական խնդիրներին. «Այսօր հարկավոր է, որ իշխանությունն ընդունի իր սխալները, կանգնի ժողովրդի կողքին և հուսախաբ չանի մարդկանց»,- հայտարարել է ԲՀԿ նախագահը :
Կոնտակտներ
Մեր հասցեն.
ՀՀ, 0036, Երևան Ալիխանյան եղբայրների փող., 2 շենք (Աջափնյակ վարչ. շրջան)
Լրահավաք հեռախոս.
+374 10 39 10 39
Էլ.փոստ.
info@kentron.tv