Items filtered by date: Ուրբաթ, 08 Փետրվարի 2019
Ուրբաթ, 08 Փետրվարի 2019 20:30

Անցուդարձ 08.02.2019

Published in Անցուդարձ

Այսօր առաջին նիստն են անցկացրել նաև Եվրոպական ինտեգրման և Պետաիրավական հարցերի մշտական հանձնաժողովները: Հայաստան-Եվրամիություն հարաբերություններից է խոսել Եվրաինտեգրման հանձնաժողովի նախագահ Արման Եղոյանը: Նա նշել է, որ ՀՀ-ԵՄ համաձայնագրի վավերացման համար որևէ քաղաքական խոչընդոտ չկա: Իսկ թե երբ տեղի կունենա վերջնական վավերացումը, Եղոյանն ընդգծել է, որ 28 երկրից 10-ն արդեն վավերացրել է, գործը որոշ երկրների դեպքում մտել է խորհրդարան:

Սիրիայի ժողովրդին մարդասիրական մասնագիտական օժանդակություն ցուցաբերելու նպատակով այսօր հումանիտար ականազերծողների, բժիշկների և նրանց անմիջական անվտանգությունն ապահովող հայ մասնագետների 83 հոգանոց խումբը ժամանել է Հալեպ: Սիրիային մարդասիրական օգնություն տրամադրելու համար պաշտպանության նախարար Դավիթ Տոնոյանին շնորհակալություն է հայտնել ՌԴ պաշտպանության նախարար Սերգեյ Շոյգուն : Ռուս պաշտոնակցի հետ Տոնոյանը հանդիպել է Մոսկվա կատարած աշխատանքային այցի ընթացքում:

Մինաս Ավետիսյանի «Գիշեր» որմնանկարը գտնվում է Գյումրիում՝ լքված մի գործարանում, բաց երկնքի տակ: Որմնանկարի փրկության նպատակով նախկինում քայլեր արվել են, բայց ընթացքում ինչ-ինչ խնդիրներ են առաջացել: Հիմա Մինաս Ավետիսյանի թանգարանի տնօրինությունը պատրաստվում է ծախսերի նոր նախահաշվարկ իրականացնել և օգնության ակնկալիքով դիմել Մշակույթի նախարարություն:

Այսօր անդրանիկ նիստն է գումարել Ազգային ժողովի նորաստեղծ տարածաշրջանային և եվրասիական ինտեգրման հարցերի մշտական հանձնաժողովը: Նիստում, որին մասնակցել են նաև կառավարության անդամներ, քննարկման է դրվել ԵԱՏՄ երկրների հետ միասնական մաքսատուրքերի սահմանման հարցը: Նշենք, որ այս տարի 500 ապրանքատեսակների մաքսատուրքերն ավելանալու են 1-4 տոկոսով :Հայաստանը ԵԱՏՄ-ին ներկայացնելու է մի շարք ապրանքների մաքսատուրքերի իջեցման առաջարկ: Հանձնաժողովի նախագահ Միքայել Մելքումյանը կարևոր է համարել հետագա քննարկումներում ոլորտի առաջին դեմքերի ներկայությունը, որպեսզի կարողանան ստանալ նաև քաղաքական հարցերի պատասխաններ:

Նախատոնական օրերին շուկայում ձվի դեֆիցիտ է եղել: Տնտեսական մրցակցության պաշտպանության պետական հանձնաժողովի ուսումնասիրության արդյունքում պարզվել է, որ դեֆիցիտը կապված է եղել քիչ քանակով ներմուծման հետ: Ձվի ծավալների նվազման հետևանքով արձանագրվել է գնի թանկացում : Հանձնաժողովի վերլուծության և մրցակցության գնահատման բաժնի պետը վստահեցրել է, որ շուկայում չարաշահումներ չեն հայտնաբերվել, իսկ ծավալների նվազումը պայմանավորված է եղել օբյեկտիվ հանգամանքներով:

Գործադիրն ավարտել է կառավարության կառուցվածքի վերաբերյալ քննարկումները: 17-ի փոխարեն Հայաստանում կլինի 12 նախարարություն: Նախագիծն առաջիկայում խորհրդարան կգնա: Իսկ մինչև այդ գործադիրն արտահերթ նիստում միաձայն ընդունել է կառավարության ծրագիրը: Այն, ըստ Նիկոլ Փաշինյանի, ազդարարում է տնտեսական հեղափոխության մեկնարկը: «Գործադիրը պետք է ամեն ինչ անի, որպեսզի հասարակությունը զգա այդ հեղափոխության արդյունքը»,-հայտարարել է վարչապետը: Տրանսպորտի, կապի և տեղեկատվական տեխնոլոգիաների նախարարն էլ ծրագիրն անվանել է հավակնոտ և հեղափոխական: Հակոբ Արշակյանը, որպես գերակա ճյուղ, առանձնացրել է տեղեկատվական տեխնոլոգիաներն ու ռազմաարդյունաբերությունը, խոսել նաև Լարսի այլընտրանքի մասին: Ազգային ժողովը կառավարության ծրագիրը կքննարկի փետրվարի 12-ին:

Հայաստանի ազգային օլիմպիական կոմիտեի նախագահ Գագիկ Ծառուկյանը մեծ թվով մարզագույք և մարզասարքեր է նվիրաբերել Արցախի զորամասերին: Օրեր առաջ Արցախ կատարած այցի ընթացքում բարձրաձայնվել էր զորամասերում մարզվելու անհրաժեշտության և մարզական գույքի բացակայության խնդիրը: Գագիկ Ծառուկյանը հենց տեղում խոստացել էր, որ հարցին լուծում կտրվի ամենասեղմ ժամկետներում: Այսօր արդեն մեր թիկունքը պահող զինվորները մարզվում են ժամանակակից մարզագույքով ու մարզասարքերով: Մանրամասները՝ տեսանյութում:

Հայաստանի ազգային օլիմպիական կոմիտեի նախագահ Գագիկ Ծառուկյանը մեծ թվով մարզագույք և մարզասարքեր է նվիրաբերել Արցախի զորամասերին: Օրեր առաջ Արցախ կատարած այցի ընթացքում բարձրաձայնվել էր զորամասերում մարզվելու անհրաժեշտության և մարզական գույքի բացակայության խնդիրը: Գագիկ Ծառուկյանը հենց տեղում խոստացել էր, որ հարցին լուծում կտրվի ամենասեղմ ժամկետներում: Այսօր արդեն մեր թիկունքը պահող զինվորները մարզվում են ժամանակակից մարզագույքով ու մարզասարքերով: Մանրամասները՝ տեսանյութում:

Էջ 1, 2-ից

Կոնտակտներ

Մեր հասցեն.
ՀՀ, 0036, Երևան Ալիխանյան եղբայրների փող., 2 շենք (Աջափնյակ վարչ. շրջան)

Լրահավաք հեռախոս.
+374 10 39 10 39

Էլ.փոստ.
info@kentron.tv

Արխիվ

« February 2019 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28      

Մենք Facebook-ում

© Kentron TV - Բոլոր իրավունքները պաշտպանված են։
Կայքէջի նյութերի վերարտադրումը, բեռնումը, տարածումը ցանկացած միջոցներով արգելվում է առանց www.kentron.tv հղման։