Երեկվա տեղատարափ անձրևն ու հզոր քամին մեծ վնաս են հասցրել գյուղատնտեսությանը: Արմավիրի մարզի Գրիբոյեդով գյուղի բնակիչները բողոքի ակցիա են արել՝ պնդելով, որ իրենց հարցը մնացել է օդում կախված: Գյուղացիները զգուշացրել են՝ եթե խնդիրը լուծում չստանա, կփակեն Արմավիր-Մարգարա-Երևան մայրուղին:
Շուրջ 3 ամիս տևած աշխատանքներից հետո կառուցվել է Ստեփանակերտ-Մարտունի 41 կիլոմետր երկարությամբ հոսանքի նոր օդային գիծ: Սա թույլ կտա ապահովել բնակիչների կայուն էլեկտրամատակարարումը: Պատերազմից հետո Մարտունու շրջանում էլեկտրամատակարարումը կազմակերպվում էր գրաֆիկով, իսկ հոսանքի ցածր լարման պատճառով հնարավոր չէր օգտագործել կենցաղային տեխնիկա:
Կորոնավիրուսի ու պատերազմի հետևանքով Հայաստանում ամենատուժած ոլորտներից մեկը զբոսաշրջությունն է: Նախորդ տարի միայն ներգնա զբոսաշրջիկների թիվը մի քանի անգամ նվազ է եղել 2019 թվականի ցուցանիշից: Զբոսաշրջային կազմակերպությունների կրած վնասները մինչև այժմ էլ հնարավոր չի եղել վերականգնել: Մասնագետները համոզված են՝ ոլորտը հնարավոր է ոտքի կանգնեցնել ֆինանսավորման ավելացման միջոցով:
Արմեն Սարգսյանը հայրենիքին մատուցած ծառայության համար մեդալներով է պարգևատրել մի քանի տասնյակ բուժաշխատողների: Նախագահի բարձր պարգևներին են արժանացել «սպիտակ բանակի» այն նվիրյալները, որոնք մեկ տարուց ավելի է պայքարում են կորոնավիրուսի դեմ: Համավարակի դեմ պայքարին զուգահեռ սպիտակ բանակը 44 օր կենաց-մահու կռիվ է տվել նաև առաջնագծում:
Գագիկ Ծառուկյանը հանդիպել է Նոր Նորք վարչական շրջանի համակիրների հետ: Ընտրություններին ընդառաջ ԲՀԿ նախագահը ներկայացրել է կուսակցության առաջնահերթությունները,որոնցից գլխավորը համարել է երկրի անվտանգությունը: Այդ հարցում «Բարգավաճ Հայաստան» կուսակցության ղեկավարն անփոխարինելի է համարել ռազմավարական դաշնակից Ռուսաստանի դերակատարությունը: Գագիկ Ծառուկյանն անդրադարձել է նաև բանկային համակարգի խնդիրներին և վերահաստատել իր այն դիրքորոշումը, որ մինչև 3 մլն դրամ վարկերը պետք է ներվեն՝ առանց բացառության:
Գագիկ Ծառուկյանը հանդիպել է Նոր Նորք վարչական շրջանի համակիրների հետ: Ընտրություններին ընդառաջ ԲՀԿ նախագահը ներկայացրել է կուսակցության առաջնահերթությունները,որոնցից գլխավորը համարել է երկրի անվտանգությունը: Այդ հարցում «Բարգավաճ Հայաստան» կուսակցության ղեկավարն անփոխարինելի է համարել ռազմավարական դաշնակից Ռուսաստանի դերակատարությունը: Գագիկ Ծառուկյանն անդրադարձել է նաև բանկային համակարգի խնդիրներին և վերահաստատել իր այն դիրքորոշումը, որ մինչև 3 մլն դրամ վարկերը պետք է ներվեն՝ առանց բացառության:
Մեր հասցեն.
ՀՀ, 0036, Երևան Ալիխանյան եղբայրների փող., 2 շենք (Աջափնյակ վարչ. շրջան)
Լրահավաք հեռախոս.
+374 10 39 10 39
Էլ.փոստ.
info@kentron.tv