Ընտրական օրենսգրքի բարեփոխումների շուրջ քննարկումները հաջորդ փուլ են մտնում: Խորհրդարանում առաջին անգամ հանդիպել են Ազգային ժողովի եվ կառավարության աշխատանքային խմբերը: Քննարկումը թեժացել է համատեղ աշխատանքի ձեւաչափի հարցի վերաբերյալ : Նշենք, որ երկու խմբերի նախագծերը դեռեւս պատրաստ չեն: Հիմա հայեցակարգ են մշակում:
Խնդիր, որն առաջնահերթ լուծման կարիք ունի: Արդեն մի քանի ամիս է՝ Սարի Թաղի 5-ից 8-րդ շարքի բնակիչները շնչում են փողոցով հոսող կոյուղաջրի գարշահոտը: Նրանք դիմել են պատկան մարմիններին, սակայն մեկը մյուսի վրա է բարդել: Հուսահատ բնակիչները դիմել են ԱԺ Ծառուկյան խմբակցության օգնությանը: Պատգամավորներ Նաիրա Զոհրաբյանն ու Վահե Էնֆիաջյանը այցելել են Սարի թաղ՝ խնդրին տեղում ծանոթանալու համար:
Իրավապահ տարբեր մարմինների կողմից հարուցված քրեական գործերի շրջանում միայն հարկային պարտավորությունների մասով հուլիսի մեկի դրությամբ հաշվարկվել, վերականգնվել է 20 միլիարդ 622 միլիոն դրամի վնաս կամ չվճարված հարկ, որը պետք է վճարվի,- կառավարության այսօրվա նիստում տեղեկացրել է վարչապետ Նիկոլ Փաշինյանը: ,Խոսքը 42 միլիոն դոլարի մասին է, սա շատ կարևոր ցուցանիշ է և, կարծում եմ, որ մենք այս ուղղությամբ աշխատանքը պետք է շարունակենք: Սա իրականում մեկուկես ամսվա ցուցանիշ էե,- ասել է վարչապետը: Վերականգնված գումարներն ազգային անվտանգության ծառայության, պետական եկամուտների կոմիտեի և ոստիկանության համատեղ ջանքերի արդյունք է:
Մեր հասցեն.
ՀՀ, 0036, Երևան Ալիխանյան եղբայրների փող., 2 շենք (Աջափնյակ վարչ. շրջան)
Լրահավաք հեռախոս.
+374 10 39 10 39
Էլ.փոստ.
info@kentron.tv