«Անտարես» հրատարակչության տնօրեն Արմեն Մարտիրոսյանը ֆեյսբուքյան իր էջում աղմկահարույց գրառում էր կատարել՝  նշելով, որ Հայաստանը մտել է այլ պետության տարածք, 26 տարի տիրել, հենակետեր սարքել, տներ կառուցել, հանքեր շահագործել: Այս և այլ ձևակերպումների համար նա սուր քննադատության է արժանացել: Պարսավանքի ալիքը հանրային գործչի նկատմամբ չի դադարել անգամ սկանդալային գրառումը հեռացնելուց հետո: 

Լուսադեմին բերման ենթարկված Գորիսի քաղաքապետը քննչական կոմիտեում է: Առուշ Առուշանյանին մեղադրանք է առաջադրվել օրենքով սահմանված կարգի խախտմամբ հավաք կազմակերպելու հոդվածներով. այս մասին Քննչական կոմիտեից հայտնել են Առուշանյանին տեսակցելու գնացած «Բարգավաճ Հայաստան» խմբակցության պատգամավորները: Քննչական կոմիտեի մոտ հավաքված իրավապաշտպաններն ու փաստաբանները Գորիսի քաղաքապետի շուրջ ընթացող գործընթացը համարել են քաղաքական հետապնդում: Առուշանյանի պաշտպանը չի բացառել, որ առաջիկա ժամերին իր պաշտպանյալին նոր մեղադրանքներ առաջադրեն և փորձեն կալանավորել:

Սիսիանի եկեղեցում Նիկոլ Փաշինյանի ձեռքը չսեղմած քահանայի հետ մի խումբ քաղաքացիներ փորձել են հաշվեհարդար տեսնել: Վարչապետի աջակիցները հայտարարել են, որ Տեր Պարգև քահանա Զեյնալյանը պիտի հեռանա Աստծո տնից ու դադարի հոգևոր ծառայություն մատուցել: Քահանայի նկատմամբ հնչած սպառնալիքները մեծ արձագանք են ստացել: Ինքը՝ Սիսիանի հոգևոր հովիվը, «Էպիկենտրոն»-ին ասել է, որ Փաշինյանին եկեղեցուց դուրս չի հրավիրել, պարզապես հիշեցրել է երկնային դատի մասին:

Նիկոլ Փաշինյանի և նրա կառավարության հրաժարականը պահանջողների թիվը ժամ առ ժամ ավելանում է: Հայտարարություններով են հանդես եկել Կոմիտասի անվան պետական կոնսերվատորիան և Շիրակի պետական համալսարանը: «Կապիտուլացիայի ազգակործան ակտը ստորագրելուց հետո Փաշինյանը չունի որևէ բարոյական իրավունք ներկայացնելու Հայոց պետությունը»,- ասված է կոնսերվատորիայի 60-ից ավելի դասախոսների հայտարարության մեջ: Իսկ ԵՊՀ մի շարք ֆակուլտետներ, տարբեր բժիշկներ, փաստաբաններ և կազմակերպություններ հայտարարել են վաղը «Հայրենիքի փրկության շարժման» նախաձեռնած գործադուլ-դասադուլին միանալու մասին:

Աբովյանի «Երիտասարդական ռեսուրս» կենտրոնն ու բազմաթիվ կամավոր երիտասարդներ արցախյան երկրորդ պատերազմի օրերին ջանք չեն խնայել, որպեսզի թիկունքն ամուր լինի: 44 օր շարունակ կենտրոնի երիտասարդները կանգնած են եղել աբովյանցու և հարակից համայնքների բնակիչների կողքին, սոցիալական ու հոգեբանական աջակցություն ցուցաբերել նրանց: Անելիքները, սակայն, քիչ չեն նաև պատերազմից հետո: «Բարգավաճ Հայաստան» կուսակցության նախագահ Գագիկ Ծառուկյանի հովանու ներքո՝ երիտասարդները հերթական նախաձեռնութամբ են հանդես եկել՝ կանգնելով պատերազմին մասնակցած ու վիրավորված զինվորների կողքին:

Աբովյանի «Երիտասարդական ռեսուրս» կենտրոնն ու բազմաթիվ կամավոր երիտասարդներ արցախյան երկրորդ պատերազմի օրերին ջանք չեն խնայել, որպեսզի թիկունքն ամուր լինի: 44 օր շարունակ կենտրոնի երիտասարդները կանգնած են եղել աբովյանցու և հարակից համայնքների բնակիչների կողքին, սոցիալական ու հոգեբանական աջակցություն ցուցաբերել նրանց: Անելիքները, սակայն, քիչ չեն նաև պատերազմից հետո: «Բարգավաճ Հայաստան» կուսակցության նախագահ Գագիկ Ծառուկյանի հովանու ներքո՝ երիտասարդները հերթական նախաձեռնութամբ են հանդես եկել՝ կանգնելով պատերազմին մասնակցած ու վիրավորված զինվորների կողքին:

Հայրենիքի փրկության շարժման իրավական հանձնախմբի ընդլայնված կազմով արտակարգ նիստին ներկայացվել են այն հանգամանքները, որոնք հիմք են տվել կարծելու, որ Նիկոլ Փաշինյանը պետական դավաճանություն է կատարել: «Մեկ Հայաստան» կուսակցության ղեկավար Արթուր Ղազինյանը, ով Նիկոլ Փաշինյանի դեմ ՀՔԾ-ում հարուցված քրեական գործով ներգրավված է որպես վկա, Գլխավոր դատախազին ժամանակ է տվել Փաշինյանին ու պետական որոշ պաշտոնյաների անհապաղ ձերբակալելու համար: Նրա խոսքով՝ ձերբակալումը նախևառաջ նպատակ ունի կանխել շարունակվող պետական դավաճանությունը և կանգնեցնել Հայաստանի տարածքի՝ Ադրբեջանին հանձնելու հանցավոր գործընթացը: