«Վարչապետը պետք է ժամ առաջ հեռանա».ընդդիմության բազմամարդ հանրահավաքն ու հիշատակի երթը
«Հայրենիքի փրկության շարժման» այսօրվա գործողությունները մեկնարկել են Մատենադարանի հարակից տարածքից՝ երթով: Այն գլխավորել է «Բարգավաճ Հայաստան» կուսակցության նախագահը: Ազատության հրապարակում ընդդիմադիրները հանրահավաք են արել: «Պատերազմը հնարավոր էր դադարեցնել ավելի վաղ և խուսափել այսքան կորուստներից»,-հայտարարել է Գագիկ Ծառուկյանը և ընդգծել՝ ստեղծված իրավիճակի մեղավորը Նիկոլ Փաշինյանն է,որն օր առաջ պետք է հեռանա: Հանրահավաքին հաջորդել է հիշատակի բազմամարդ երթը դեպի Սուրբ Գրիգոր Լուսավորիչ եկեղեցի: Արցախի թեմի առաջնորդ Պարգև արքեպիսկոպոս Մարտիրոսյանը հոգեհագստյան կարգ է մատուցել՝ պատերազմում զոհված հայորդիների հիշատակին:
«Նիկո՛լ թուրք-դավաճան». Եռաբլուրում ոստիկանները մարդկանց հրելով բացեցին Փաշինյանի ճանապարհը
Այսօր լրանում է Արցախյան 2-րդ պատերազմում լայնածավալ ռազմական գործողությունների դադարեցման 40-րդ օրը: Հայաստանում և Արցախում եռօրյա սուգ է հայտարարված: Այդ կապակցությամբ տեղի է ունեցել երթ դեպի Եռաբլուր, որին մասնակցել է նաև Նիկոլ Փաշինյանը: Առավոտից Պանթեոնում են հավաքվել բազմաթիվ ազատամարտիկներ, զոհված զինծառայողների ու անհետ կորածների ծնողներ՝ թույլ չտալու վարչապետի մուտքը Եռաբլուր: Այնտեղ են կենտրոնացվել ոստիկանական մեծաթիվ ուժեր, այդ թվում` կարմիր բերետավորներ: Փաշինյանին հաջողվել է նրանց միջամտությամբ ճեղքել հավաքվածների դիմադրությունն ու մտնել Եռաբլուր: Իրավիճակը թեժացել է, մարդիկ նրան դիմավորել են «Նիկոլ դավաճան» վանկարկումներով, վարչապետի ուղղությամբ իրեր նետել:
Հայտնաբերվել է 27 զինծառայողի աճյուն և 2 քաղաքացիական անձի մարմին
Արցախի մեր հայրենակիցները շարունակում են վերադառնալ իրենց բնակավայրեր: Վերջին 1 օրում Երևանից Ստեփանակերտ է ուղևորվել 470 մարդ: Նրանց տեղափոխող ավտոբուսների երթևեկությունն իրականացվել է ռուս խաղաղապահների ուղեկցությամբ: Զուգահեռ շարունակվում է արցախցիներին անհրաժեշտ բուժօգնություն տրամադրելու գործընթացը, նաև ականազերծումը: Վնասազերծման աշխատանքների ընթացքում ականի պայթյունից ռուս սպա է մահացել: Իսկ Ֆիզուլիի, Հադրութի և Ջաբրայիլի շրջաններում երեկ իրականացված որոնողական աշխատանքների ընթացքում հայտնաբերվել է 27 զինծառայողի աճյուն և 2 քաղաքացիական անձի մարմին:
Թշնամին ԱԹՍ-ներ է ուղարկել Սյունիքի սահմանամերձ գյուղեր.իրավիճակը Ճակատենում
Կապանին հարակից Ճակատեն համայնքի հեռուստաաշտարակը,ինչպես նաև գյուղ տանող միակ ճանապարհի զգալի հատվածը, երեկվանից գտնվում են Ադրբեջանի տարածքում: Սյունիքի բարձր դիրքերը թշնամուն հանձնելու հետևանքով գյուղաբնակների համար շոշափելի անհարմարություններ են առաջացել:«Էպիկենտրոն»-ի նկարահանող խմբին հաջողվել է հասնել Ճակատեն համայնք և տեղում ծանոթանալ սահմանազատումից հետո ստեղծված իրավիճակին։ Գյուղացիները նշել են,որ չեն պատրաստվում լքել իրենց տներն և սահմանապահ զորքերի հետ իրականացնելու են հայրենիքի պաշտպանությունը:
«Կընդունեմ ցանկացած դատավճիռ,որը ժողովուրդը կկայացնի».Փաշինյանը հանդես է եկել ուղերձով
Կոնտակտներ
Մեր հասցեն.
ՀՀ, 0036, Երևան Ալիխանյան եղբայրների փող., 2 շենք (Աջափնյակ վարչ. շրջան)
Լրահավաք հեռախոս.
+374 10 39 10 39
Էլ.փոստ.
info@kentron.tv