ԱԺ արտահերթ ընտրության արդյունքներն ուժի մեջ թողնելու Սահմանադրական դատարանի որոշումը ընդդիմադիր ուժերի համար անակնկալ չի եղել: Այդուհանդերձ, խորհրդարան չանցած, բայց Բարձր դատարան դիմած ուժերից «Հայոց Հայրենիքն» արդեն հայտարարել է,որ դիմելու է եվրոպական դատարան: Նման հնարավորություն քննարկում է նաև «Հայաստան» դաշինքը: Միևնույն ժամանակ անցողիկ շեմը հաղթահարած երկու ընդդիմադիր դաշինքները դեռ չեն հստակեցնում՝ վերցնելո՞ւ են մանդատները,թե՞ ոչ:
Պաշտոնական դիրքը չարաշահելու հոդվածով մեղադրվող ՊՎԾ նախկին պետ Դավիթ Սանասարյանի գործով դատավարությունը շարունակվել է: Այսօր հարցաքննվել են վկաները: Վանաձորի ԲԿ տնօրենի նախկին պաշտոնակատարը հայտարարել է, որ ՊՎԾ-ից զանգ է ստացել հեմոդիալիզի սարքավորումներ ձեռք բերելու նպատակով հայտարարված մրցույթի տեխնիկական բնութագիրը փոխելու համար, սակայն պնդել է՝ որևէ ուղղորդում չի եղել:
Թիրախային խումբը ավագ դպրոցի և միջին մասնագիտական հաստատությունների աշակերտներն են: Երկշաբաթյա ծրագրի շեշտը դերասանական վարպետության վրա է: ԿԳՄՍ փոխնախարար Արա Խզմալյանի համոզմամբ դպրոց-թատրոն կապը կարևոր դեր կունենա դեռահասների մասնագիտական կողմնորոշման հարցում:
Հայաստանում տարեկան 600-700 երեխա ծնվում է մահացած:Գործող կարգավորումներով՝ մեռելածին պտուղը ոչնչացվում է որպես կենսաբանական թափոն՝ չհամարվելով այդպիսին: Իսկ հուղարկավորություն հիմնականում չի կատարվում, քանի որ դրա համար պետք է նախ գրանցել մահը: Մինչդեռ մեր երկրում մեռելածին պտուղների մահվան գրանցում չի կատարվում: Օրենսդրական բացը լրացնելու համար առողջապահության նախարարությունը առաջարկում է մի շարք առանցքային փոփոխություններ:
Մեր հասցեն.
ՀՀ, 0036, Երևան Ալիխանյան եղբայրների փող., 2 շենք (Աջափնյակ վարչ. շրջան)
Լրահավաք հեռախոս.
+374 10 39 10 39
Էլ.փոստ.
info@kentron.tv