Արդեն մեկ ամիս է, ինչ ՙԱռինջ Մոլի՚ հարևանությամբ կառուցված նոր բազմապրոֆիլ առևտրի կենտրոնն իր դռներ է բացել գնորդների առջև: Տարածքը փոքր ու միջին բիզնեսի ներկայացուցիչներին հատկացրել է ՙՄուլտի Գրուպ՚ կոնցեռնի հիմնադիր Գագիկ Ծառուկյանը: Նա հայտարարել է, որ ձեռներեցները 2 տարի ազատված կլինեն տաղավարների վարձից: Նորաբաց կենտրոնում գործող 500-ից ավելի տաղավարներում ներկայացված է ապրանքների լայն ու բազմատեսակ ընտրանի՝ տնտեսական ապրանքներից մինչև շինանյութ, տեխնիկա, կենցաղային իրեր, սննդամթերք ու խաղալիք: Չնայած կենտրոնը նոր է բացվել, սակայն գնորդների հոսքը սպասվածից մեծ է: