20 օր առաջ լայն թափով խաղողի մթերում սկսած Երևանի "Արարատ" կոնյակի-գինու-օղու կոմբինատի  Արմավիրի  և Արարատի մարզերում գտնվող  խաղողի մթերման կայանները արդեն մի քանի օր է ավելի ծանրաբեռնված են աշխատում:  Պատճառը՝ ոչ միայն խաղողագործների համար ստեղծված շահեկան պայմաններն են, այլ այն, որ մյուս մթերման կայանները այլևս մթերում չեն կատարում: Ձևավորված ավանդույթի համաձայն, ինչպես ամեն տարի, այս տարի ևս Գագիկ Ծառուկյանն անձամբ է խաղողագործներին վստահեցրել, որ Երևանի "Արարատ"  կոնյակի-գինու-օղու կոմբինատի  խաղողի մթերման կայանները առանց սահմանափակման մթերելու են  գյուղացու բերքի մինչև վերջին հատիկը: