Գագիկ Ծառուկյանը նախընտրական քարոզարշավի շրջանակում թիմակիցների հետ այցելել է Լոռու մարզ: Մարգահովիտ համայնքում ԲՀԿ նախագահը չնախատեսված հանդիպում է ունեցել ճանփեզրին իրեն աղուհացով սպասող բազմաթիվ համակիրների հետ և պատասխանել նրանց հուզող գլխավոր հարցին՝ իշխանության գալու դեպքում ինչպե՞ս է պատրաստվում լուծել անվտանգության խնդիրը: Իսկ արդեն մարզկենտրոն Վանաձորում հազարավոր քաղաքացիների մասնակցությամբ ընթացած հանրահավաքի ժամանակ Գագիկ Ծառուկյանն անդրադարձել է սոցիալ-տնտեսական խնդիրներին: «Քաղաքացիների նկատմամբ կոշտ վարչարարությամբ և օր-օրի ավելացող տարբեր հարկատեսակներով հնարավոր չէ բյուջե լցնել»,-հայտարարել է «Բարգավաճ Հայաստան» կուսակցության առաջնորդը՝ ներկայացնելով տնտեսության զարգացմանը միտված հստակ ճանապարհային քարտեզ: