Գագիկ Ծառուկյանը նախընտրական քարոզարշավը շարունակել է Գեղարքունիքի մարզում: «Բարգավաճ Հայաստան» կուսակցության նախագահը նախ ջերմ հանդիպում է ունեցել մարզի գյուղերի հարյուրավոր բնակիչների հետ, պատասխանել է նրանց հարցերին և հակիրճ ներկայացրել ԲՀԿ ծրագրային դրույթները: Գավառում տեղի է ունեցել բազմամարդ հանրահավաք՝ մարզի տարբեր համայնքներից ժամանած քաղաքացիների մասնակցությամբ: Հաշվի առնելով, որ պատերազմից հետո Գեղարքունիքը դարձել է սահմանամերձ՝ Գագիկ Ծառուկյանը մանրամասն անդրադարձել է անվտանգային միջավայրին: «Ժողովրդի անվտանգությունն ապահովելու միայն մի ճանապարհ կա. դա Ռուսաստանն է»,-հայտարարել է ԲՀԿ առաջնորդը: