Բավական լարված մթնոլորտում աշխատանքն է վերսկսել խորհրդարանը: Կրքերը թեժացել են ընդդիմության ներկայացրած և հանձնաժողովներում բացասական եզրակացություն ստացած նախագծերի քննարկման ժամանակ: Խորհրդարանական մեծամասնությունը «Բարգավաճ Հայաստան»-ի նախագծերին դեմ է քվեարկել: ԱԺ նախագահին և իշխող ուժի ներկայացուցիչներին դուր չի եկել հատկապես Գևորգ Պետրոսյանի ելույթը՝ նույնասեռականներին ու սեռափոխված անձանց վերաբերյալ նախագծի վերաբերյալ, որոնցից մեկով արգելվելու էր նրանց ամուսնությունը, մյուսով՝ երեխայի որդեգրումը: «Իմ Քայլ»- ի պատգամավորները հանդես են եկել խրատական ելույթներով: Նրանց արձագանքել և կառուցողական դաշտում աշխատելու կոչ է արել Նաիրա Զոհրաբյանը: «ԲՀԿ-ին քաղաքական դասեր տալու իրավունք Ազգային ժողովի դահլիճում որևէ մեկը չի վաստակել»,- հայտարարել է պատգամավորը: