«Պաշպանության բանակի ստորաբաժումները հարվածներ չեն հասցրել և չեն հասցնելու ադրբեջանական մշակութային օբյեկտներին»,-ասել է Արծրուն Հովհաննիսյանը՝ պատասխանելով ռուս լրագրողի հարցին, թե Սուրբ Ղազանչեցոցը թիրախավորելուց հետո կհասցվե՞ն արդյոք համաչափ հարվածներ Ադրբեջանին : Արծրուն Հովհաննիսյանը հայտնել է նաև, որ արցախա-ադրբեջանական շփման գծում այս պահին համառ մարտեր են ընթանում հատկապես հարավային ուղղությամբ:
Ռազմաճակատում մեր հաղթանակի համար կռիվ տվող հերոսներին օգնելու համար կանայք ջանքեր են գործադրում թիկունքում: Բացառություն չեն Ստեփանակերտի կարի գործարանի կամավոր դերձակները, որոնք այս օրերին՝ գիշեր-ցերեկ, աշխատում են անտրտունջ ու որ ամենակարևորն է՝ անմնացորդ նվիրումով: Հոգատար կանայք, մայրերն ու քույրերն ամեն ինչ անում են՝ մեր զինվորներին օգտակար լինելու և համազգային հաղթանակի կերտման գործում իրենց ավանդն ունենալու համար:
Ռազմաճակատ մեկնած կամավորականները հայկական զորքերի հետ շարունակում են հերոսաբար հետ մղել թշնամուն՝ նրան հասցնելով ջախջախիչ հակահարվածներ: «Մենք դատապարտված ենք հաղթանակի»,- հայտարարում են հայ կամավորականները: Ներկայացնում ենք պաշտպանության բանակի տարածած տեսանյութը:
Համացանցում ակտիվորեն տարածվում է տեսանյութ,որը հերթական անգամ ապացուցում է Սիրիայում վարձկանների հավաքագրումը՝ Ադրբեջան տեղափոխվելու նպատակով: Տեսանյութում, որն արվել է Աֆրին քաղաքում, Իմամը կոչ է անում ներկաներին միանալ և պատերազմ վարել Արցախի դեմ՝ Ադրբեջանի կողմից, այնպես, ինչպես պատերազմել են Սիրիայում և Լիբիայում:
Խորհրդարանում ճեպազրույցների օր էր, գլխավոր թեման՝ Արցախի դեմ Ադրբեջանի և Թուրքիայի սանձազերծած պատերազմը: Պատգամավորներն իրենց տեսակետն են ներկայացրել բանակցային գործընթացի, Արցախի ճանաչման և պատերազմի հանգուցալուծման ուղիների վերաբերյալ: Պատգամավորները նաև անդրադարձել են Գագիկ Ծառուկյանի կալանքն ամփոփոխ թողնելու՝ Վերաքննիչ դատարանի որոշմանը: Էդմոն Մարուքյանը հույս հայտնել է, որ գլխավոր դատախազը կբավարարի իր դիմումը:
Ադրբեջանա-թուրքական ագրեսիան հետ մղելու ընթացքում զոհվել է հայտնի լուսանկարի տղան՝ Ալբերտ Հովհաննիսյանը: Նա այս օրերին դարձավ զինվորի հավաքական կերպարի մարմնացումը, իսկ նրա լուսանկարը հայտնվեց նաև միջազգային մամուլի առաջին էջերում: Ալբերտի մահվան կապացությամբ ֆեյսբուքում գրառում է արել նրա հայրը: Արտակ Հովհաննիսյանը տեղեկացրել է, որ որդու վերջին հրաժեշտի արարողությունը տեղի կունենա վաղը՝ ժամը 18:00-ին, Նոր Նորքի Սուրբ Սարգիս եկեղեցում: Նա իր և ընտանիքի անունից խնդրել է, որ ծաղիկների ու ծաղկեպսակների համար նախատեսված գումարը ցանկացողները փոխանցեն «Հայաստան» համահայկական հիմնադրամին:«Այս պահին այդ գումարն ավելի պետք է մեր Հայրենիքին,վստահաբար այդպես կցանկանար Ալբերտը»,-գրել է նա:
Գաղտնի վայրում՝ փակ ձևաչափով. Ժնևը հյուրընկալել է արցախյան հակամարտության շուրջ բանակցությունները: Առաջին փուլում ԵԱՀԿ Մինսկի համանախագահների հետ բանակցում է Ադրբեջանի արտգործնախարարը: Երկրորդ փուլը նախատեսված է հոկտեմբերի 12-ին՝ Մոսկվայում, Հայաստանի արտգործնախարարի մասնակցությամբ: Նախօրեին էլ, ի լուր աշխարհի, Ժնևի քաղաքային խորհուրդն ընդունել է բանաձև՝ դատապարտելով Ադրբեջանի ռազմական ագրեսիան ընդդեմ Լեռնային Ղարաբաղի ՝ կոչ անելով ճանաչել Արցախի հայերի ինքնորոշման իրավունքը՝ որպես նրանց անվտանգության միակ երաշխիք:
Մեր հասցեն.
ՀՀ, 0036, Երևան Ալիխանյան եղբայրների փող., 2 շենք (Աջափնյակ վարչ. շրջան)
Լրահավաք հեռախոս.
+374 10 39 10 39
Էլ.փոստ.
info@kentron.tv