Արցախի հերոս, ապրիլյան քառօրյա պատերազմի մասնակից Ռոբերտ Աբաջյանի ծննդյան օրը կազմակերպվել է նաև շախմատային հուշամրցաշար: Միջոցառմանը մասնակցել են ԱԺ պատգամավորներն ու Հայրենիքի պաշտպանի վերականգնողական կենտրոնում բուժում ստացող զինվորները: Շախմատային խորհրդանշական մրցաշարին հետևել են նաև Ռոբերտ Աբաջյանի ծնողները:

Այսօր Արցախի հերոս, ապրիլյան քառօրյա պատերազմի մասնակից Ռոբերտ Աբաջյանի ծննդյան օրն է: Նա կդառնար 23 տարեկան: Ռոբերտի ընկերները, հարազատները, ծանոթ ու անծանոթ մարդիկ այցելել են Եռաբլուր, հարգանքի տուրք մատուցել հերոսի անմար հիշատակին: Աբաջյանի հրամանատարն էլ պատմել է նրա հետ վերջին հեռախոսազրույցի մանրամասները:

Ինչու՞ հասարակությունը չի վստահում դատարաններին և ի՞նչ անել, որպեսզի վստահի. այս ու Սահմանադրական դատարանի շուրջ ստեղծված իրավիճակն են այսօր քննարկել ԱԺ պատգամավորներ Սիսակ Գաբրիելյանը, Արման Բաբաջանյանը, Սահմանադրական դատարանի անդամ Ալվինա Գյուլումյանը և «Իրազեկ քաղաքացիների միավորում» ՀԿ ծրագրերի համակարգող Դանիել Իոաննիսյանը: «Ես չեմ հիշում, որ մեր երկրում որևէ իշխանության օրոք դատարանները չդիտարկվեին որպես քավության նոխազ: Երբ հասարակության մեջ ինչ-որ բան այնպես չէ, մեղավոր են դատարանները»,- ասել է է Սահմանադրական դատարանի ներկայացուցիչը:

Արցախի «Մատենադարան-Գանձասար» գիտամշակութային կենտրոնը, բացվելով 4 տարի առաջ, գիտության տաճար դառնալու հավակնություն ուներ: Հավակնություններն այսօր գործնական տեսք են ստանում: Կենտրոնում արդեն գործում է էլեկտրոնային գրադարան: Համապատասխան հուշագիրը ստորագրել են Մատենադարանի տնօրենն ու Արցախի պետական համալսարանի ռեկտորը: Ի՞նչ կտա դա Արցախի գիտակրթական ոլորտին:

Զինվորական տոնացույցում նոյեմբերի 17-ը նշվում է որպես բուժծառայողի օր: «Էպիկենտրոնի» նկարահանող խումբը տոնի նախօրեին եղել է Հանրապետությունում երեք տարի անընդմեջ լավագույնը ճանաչված Զանգեզուրի կայազորային հոսպիտալում, արձանագրել՝ բժշկական հաստատությունը հագեցած է ժամանակակից տեխնիկայով, բժշկական սարքավորումներով, մասնագետներով: Նրանցից՝ լավագույններից է 22 տարի զինված ուժերում ծառայող մայոր Սարգսյանը: