Ազգային ժողովում տեղի է ունեցել Քննիչ հանձնաժողովի առաջին նիստը: Հանձնաժողովը պետք է քննի ԱԱԾ տնօրեն Արթուր Վանեցյանի ու ՀՔԾ պետ Սասուն Խաչատրյանի հեռախոսազրույցի գաղտնալսման խնդիրը:Պետաիրավական հարցերի մշտական հանձնաժողովի նախագահ Գևորգ Կոստանյանն, անդրադառնալով հանձնաժողովի ստեղծման անհրաժեշտությանը, նշել է, որ եթե գաղտնալսում են ԱԱԾ ու ՀՔԾ ղեկավարներին, նշանակում է որևէ քաղաքացի երաշխավորված չէ իր մասնավոր կյանքին անօրինական միջամտության դեմ պայքարում:
Երևանի թատրոնի և կինոյի պետական ինստիտուտում կրքերը չեն հանդարտվում: Չարաշահումների վերաբերյալ ոստիկանության տեսանյութից հետո ուսանողները պահանջում են ռեկտորատի հրաժարականը: Ասում են՝ ինստիտուտում խնդիրները շատ են, չկա անհրաժեշտ տեխնիկա, ստեղծագործելու պայմաններ, իսկ այդ ֆոնին եղած միջոցները մսխվում են: Ռեկտոր Մուրադյանն էլ հակադարձում է՝ թատերականն ամեն ինչ ունի, իսկ հրաժարականի մասին կխոսեն միայն քննության ավարտից հետո:
Ուրախալի լուր մարզաշխարհից: Հունահռոմեական ոճի ըմբշամարտի Հայաստանի երիտասարդական ընտրանին 2 արծաթե մեդալ է նվաճել Սլովակիայում ընթացող աշխարհի առաջնությունում : Պատվո հարթակի 2-րդ աստիճանին են կանգնել 55 կգ քաշային Տիգրան Մինասյանն ու գերծանր քաշային Դավիթ Օվասափյանը: Այսօր մենք ավելի բարձր հարգի մեդալ ենք ակնկալում նաև Մալխաս Ամոյանից, որը երեկ, հաղթելով իր բոլոր մրցակիցներին, դուրս եկավ եզրափակիչ:
Բարգավաճ Հայաստան Կուսակցության ավագանու թիմը՝ քաղաքապետի թեկնածու Նաիրա Զոհրաբյանի գլխավորությամբ,նախընտրական քայլարշավ , այնուհետև հանրահավաք է արել Երևանի Աջափնյակ վարչական շրջանում: ԲՀԿ-ն այսօր միակ քաղաքական ուժն է, որ երևանցու սեղանին է դրել մի քանի հարյուր միլիոն դոլարանոց ներդրումային փաթեթ, որը լուծում է մայրաքաղաքի բոլոր հիմնական խնդիրները, - հայտարարել է Նաիրա Զոհրաբյանը: Բարգավաճ Հայաստանի քաղաքապետի թեկնածուն ընդգծել է նաև՝ ԲՀԿ-ն չունի թշնամիներ մրցակից ուժերի շարքում, ԲՀԿ-ի թշնամիներն են աղքատությունը, հուսահատությունը, արտագաղթը. Ահա այս և Երևանի մյուս պրոբլեմներին է Բարգավաճ Հայաստանը հայտարարում պատերազմ:
Մեր հասցեն.
ՀՀ, 0036, Երևան Ալիխանյան եղբայրների փող., 2 շենք (Աջափնյակ վարչ. շրջան)
Լրահավաք հեռախոս.
+374 10 39 10 39
Էլ.փոստ.
info@kentron.tv