Գագիկ Ծառուկյանի անձնական երաշխավորությամբ՝ Իրանում և միջազգային շուկայում ավելի քան 25 տարվա պատմություն ունեցող Արմօյլ ընկերությունը Հայաստանում վերսկսել է գործունեությունը : Արմօյլի և Մուլտի գրուպ կոնցեռնի հսկայական ներդրումների շնորհիվ՝ Եղվարդ տանող ճանապարհին շուտով կբացվի քսայուղերի և բիտումի գործարան՝ ստեղծելով մի քանի հարյուր աշխատատեղ հատկապես տեղի բնակչության համար: Արմօյլ ընկերության տնօրենն ու Մուլտի գրուպ կոնցեռնի փոխտնօրենն այսօր անդրադարձել են կատարված հսկայական ներդրումներին և գործարանի կառուցման շուրջ ծագած անհիմն աղմուկին: Ընկերության տնօրեն Ալֆրեդ Աբեդինը հայտնել է, որ բողոքի ակցիան տեղի բնակիչների մտահոգության պատճառով չէ: Ակցիայի կազմակերպիչն այդ տարածքում արտադրություն և այգիներ ունեցող Սեմուր ընդ կո ընկերության տնօրինությունն է: