Անցնենք օրվա դատական թեմաներին: Հակառակ ակնկալիքներին՝ այսօր ,Սասնա Ծռերե խմբի անդամներից 2-ը ազատ չարձակվեցին: Դատարանը որոշեց չբավարարել ամբաստանյալներ Թաթուլ Թամրազյանի և Գևորգ Իրիցյանիշ՝ խափանման միջոց կալանավորումը փոխելու վերաբերյալ պաշտպան Արայիկ Պապիկյանի մջնորդությունը, որի հիմքը Ազգային ժողովի ,Ծառուկյանե խմբակցության պատգամավորներ Նաիրա Զոհրաբյանի և Սերգեյ Բագրատյանի անձնական երաշխավորություններն էին:
Մարզաձևերի զարգացման հանրապետական համալիր կենտրոնում այսօր կայացել է «Լավագույն մարզական նախադպրոցական հաստատություն» մրցույթի եզրափակիչ փուլը, որին մասնակցել է 12 մանկապարտեզի մոտ 150 երեխա: Այս յուրահատուկ մարզական միջոցառմանը, որը նպատակ ունի երեխաների մեջ սերմանել առողջ ապրելակերպի գաղափարը, հետևել է նաև սպորտի և երիտասարդության հարցերի նախարար Լևոն Վահրադյանը:
Ահազան՝ Հայաստանի նախկին գլխավոր դատախազներ Գևորգ Կոստանյանի, Աղվան Հովսեփյանի և ներկայիս գլխավոր դատախազ Արթուր Դավթյանի ու քննիչների կամայականությունների մասին: Պաշտպանության նախարարարության կապիտալ շինարարության վարչության նախկին պետ Արմեն Սարգսյանի դիմումի հիման վրա հարուցված քրեական գործում շոշափվում են Հայռուսգազարդի, պաշտպանության նախարարության բարձրաստիճան պաշտոնյաների, հանրապետական պատգամավոր Հերմինե Նաղդալյանի ամուսնու անունները: