Կառավարության առաջարկով գումարված ԱԺ արտահերթն անցել է գերլարված մթնոլորտում: Ընդդիմադիր ու անկախ պատգամավորներն անդրադարձել են ոչ թե օրակարգի տասնչորս հարցերին,այլ հայ զինվորների դիերի և մասունքների պահման ցավալի դեպքին: ԲՀԿ խմբակցության պատգամավոր Միքայել Մելքումյանը Առողջապահության նախարարի պաշտոնակատարին և խորհրդարան եկած նրա տեղակալին առաջարկել է հրաժարական ներկայացնել: «Հրաժարակա՛ն տվեք,գնացեք, թո՛ղ գինը դա լինի»,- ասել է պատգամավորը: Իսկ Թագուհի Թովմասյանը Լենա Նազարյանից պահանջել է ներողություն խնդրել նրա «լկտի» պահվածքի համար: