«Արայիկ Հարությունյանը քանդում է հայկականության հիմքը».բողոքի ակցիա՝ նախարարի հրաժարականի պահանջով
«Կամք» նախաձեռնության անդամները, մտավորականներ, դերասաններ , մանկավարժներ ու դասախոսներ նորից ԿԳՄՍ նախարարության մոտ են հավաքվել` Արայիկ Հարությունյանի հրաժարականի պահանջով: Նրանք նշել են, որ չորս ոլորտ համակարգող նախարարի օրոք, բացի ազգային արժեքները ոտնահարվելուց, այլ փոփոխություներ չեն եղել: Ակցիայի մասնակիցները քայլերթով անցել են նաև կառավարության ու խորհրդարանի շենքերի մոտով` հայտարարելով, որ կշարունակեն բողոքել այնքան, քանի դեռ Արայիկ Հարությունյանը հրաժարական չի տվել:
«Բանակ-2020. «Էրեբունի» ավիացիոն բազայում տեղի են ունեցել ցուցադրական թռիչքներ
Երևանի «Էրեբունի» ռուսական ավիացիոն բազայում բաց դռների օր էր հայտարարվել «Բանակ-2020» միջազգային ռազմատեխնիկական համաժողովի շրջանակում: Ներկայացվել են մարտավարական դրվագներ, որոնք իրականացրել են կործանիչ և բանակային ավիացիայի անձնակազմները: Համաժողովի միջոցառումների անցկացման համար ներառվել են նաև Ռուսաստանի ԶՈւ Հարավային ռազմական շրջանի ստորաբաժանումները, այդ թվում՝ Հայաստանում տեղակայված 102-րդ ռուսական բազան:
«Արդյոք մեր զինծառայողն առևանգվե՞լ է, արդյոք այլ պայմաննե՞ր են եղել, պետք է դեռ պարզենք».Դավիթ Տոնոյան
Միջազգային կառույցները ջանք չեն խնայում Ադրբեջանի իրավազորության ներքո հայտնված սպա Գուրգեն Ալավերդյանին հայրենիք վերադարձնելու համար, լրագրողների հետ ճեպազրույցում համոզմունք է հայտնել Պաշտպանության նախարարը: Դավիթ Տոնոյանը նշել է, որ իրականացվում է ծառայողական քննություն՝ պարզելու, թե ինչպես է դեպքը տեղի ունեցել: Պաշտպանական գերատեսչության ղեկավարը խոսել է նաև սահմանային իրավիճակի մասին:
Ազգային արժեքները պաշտպանող նախագիծը դրվեց հանրային քննարկման
Ի հակակշիռ դպրոցական ծրագրերում կատարվող փոփոխությունների և Ստամբուլյան կոնվենցիայի՝ նոր նախագիծ է մշակել «Ազգային արժեքների պաշտպանության» նախաձեռնությունը: Այսօր այն դրվել է հանրային քննարկման: Օրենքի նախագիծն առնչվում է Հայ առաքելական եկեղեցու, հայոց լեզվի, մշակույթի, ընտանիքի և մանկության պաշտպանության հիմունքներին: Նախաձեռնության համակարգող խմբի անդամ Արա Զոհրաբյանը նշել է, որ իրենք քաղաքական շահ չեն հետապնդում, իրենց նախաձեռնության համար չկան սևեր ու սպիտակներ: Նախաձեռնող խմբի անդամները բարձրաձայնել են ազգային արժեքներին վերաբերող վտանգների մասին:
Գ. Ծառուկյանը հանդիպումների շարք է սկսում ԲՀԿ տարածքային կառույցների ներկայացուցիչների հետ
«Բարգավաճ Հայաստան» կուսակցության նախագահ Գագիկ Ծառուկյանը խորհրդարանի առաջիկա նստաշրջանի և քաղաքական աշնան մեկնարկին ընդառաջ հանդիպումների շարք է սկսում կուսակցության տարածքային կառույցների ներկայացուցիչների հետ: Առաջին հանդիպումը տեղի է ունեցել Կոտայքի մարզի ակտիվի հետ: Տարածքային պատասխանատուները կուսակցության ղեկավարին ներկայացրել են այն խնդիրները, որոնք ժողովուրդը բարձրացրել է համայնքներում հանդիպումների ժամանակ. համավարակի առաջացրած մարտահրավերներ, գործազրկություն, ուսման վարձեր, կրթության նոր չափորոշիչներ, գյուղատնտեսական խնդիրներ, վարկեր, բնակարանաշինություն և այլն: Գագիկ Ծառուկյանը լսել է բոլոր հարցերը և վերահաստատել, որ ԲՀԿ-ն ժողովրդին հուզող խնդիրները կբարձրացնի խորհրդարանում:
Գ. Ծառուկյանը հանդիպումների շարք է սկսում ԲՀԿ տարածքային կառույցների ներկայացուցիչների հետ
«Բարգավաճ Հայաստան» կուսակցության նախագահ Գագիկ Ծառուկյանը խորհրդարանի առաջիկա նստաշրջանի և քաղաքական աշնան մեկնարկին ընդառաջ հանդիպումների շարք է սկսում կուսակցության տարածքային կառույցների ներկայացուցիչների հետ: Առաջին հանդիպումը տեղի է ունեցել Կոտայքի մարզի ակտիվի հետ: Տարածքային պատասխանատուները կուսակցության ղեկավարին ներկայացրել են այն խնդիրները, որոնք ժողովուրդը բարձրացրել է համայնքներում հանդիպումների ժամանակ. համավարակի առաջացրած մարտահրավերներ, գործազրկություն, ուսման վարձեր, կրթության նոր չափորոշիչներ, գյուղատնտեսական խնդիրներ, վարկեր, բնակարանաշինություն և այլն: Գագիկ Ծառուկյանը լսել է բոլոր հարցերը և վերահաստատել, որ ԲՀԿ-ն ժողովրդին հուզող խնդիրները կբարձրացնի խորհրդարանում:
Կոնտակտներ
Մեր հասցեն.
ՀՀ, 0036, Երևան Ալիխանյան եղբայրների փող., 2 շենք (Աջափնյակ վարչ. շրջան)
Լրահավաք հեռախոս.
+374 10 39 10 39
Էլ.փոստ.
info@kentron.tv