Ազգային ժողովն այսօր վերսկսել է աշխատանքները։ Նիստի մեկնարկից րոպեներ անց «Իմ քայլը» խմբակցությունը 20 րոպե ընդմիջում է վերցրել մի խումբ շինարարական ընկերությունների և կառուցապատողների հետ պետական տուրքի մասին նախագծի վերաբերյալ զրուցելու համար: Այդ նախագիծը, հիշեցնենք, պետտուրք է սահմանում Հայաստան ներկրվող ցեմենտի վրա, իսկ ահա ներկրվող ցեմենտի հումքի՝ կլինկերի վրա տուրք չի սահմանում: Այսօր,ի թիվս այլ նախագծերի, միաձայն ընդունվել է նաև բուքմեյքերական գրասենյակների գործունեությունն արգելելու մասին օրինագիծը, որը գործելու է մեկուկես տարի հետո` 2020-ի նոյեմբերից: Ազգային ժողովը քննարկել է նաև «Բարգավաճ Հայաստան» խմբակցության երեք նախագծերն ու կառավարության ներկայացրած օրինագծերը: